វត្តខ្មែរនៅទីក្រុងសាន់ ឌីអេហ្គោ រដ្ឋកាលីហ្វ័រនីញ៉ា

អត្តានញ្ចេ តថា កយិរា យថញ្ញមនុសាសតិ សុទន្តោ វត ទមេថ អត្តាហិ កិរ ទុទ្ទមោ ។

បើបុគ្គលប្រៀនប្រដៅអ្នកដទៃយ៉ាងណា គប្បីធើ្វខ្លួនយ៉ាងនោះ ទាល់តែទូន្មានខ្លួនល្អសិន សឹមទូន្មានអ្នកដទៃ លោកថាខ្លួនហ្នឹងហើយដែលបុគ្គលទូន្មានបានដោយកម្រ។

អ្នកស្មើនឹងមនុស្សឆ្កួត ៣ ពួក

by បណ្ឌិត ធម្មណាត

17

បុរាណភាសិត ៣៦

Adhanassa rasaṃ khādā,
Abalassa hathā narā;
Apaññassa vākyakathā,
Ummattakasamā ime.

(តួអក្សររ៉ូម៉ាំងប្រើសរសេរភាសាបាលីដែលទទួលស្គាល់ទួទាំងពិភពលោក អានដូចភាសាបាលីតួអក្សរខ្មែរខាងក្រោមនេះ)

អធនស្ស រសំ ខាទា,
អពលស្ស ហថា នរា;
អបញ្ញស្ស វាក្យកថា,
ឧម្មត្តកសមា ឥមេ ។

ជនអ្នកខ្សត់ទ្រព្យ ចូលចិត្តបរិភោគរបស់ថ្លៃ,
ជនអ្នកខ្សោយកម្លាំង ចូលចិត្តប្រជែងកម្លាំង,
ជនឥតបញ្ញា ចូលចិត្តអួតឆ្លាត,
ជនទាំងបីពួកនេះ ស្មើនឹងមនុស្សឆ្កួត ។

——————————————-

ក្នុងលោកនីតិបករណ៍ប្រែដោយព្រះអ៊ុក ជា វជិរញ្ញាណភយវង្ស បោះពុម្ពឡើងវិញដោយ គេហដ្ឋាន អភិរក្សមរតកព្រះពុទ្ធសាសនាខ្មែរ(កាណាដា) លោកប្រែទុកជាកំណាព្យថាៈ

ជនអ្នកខ្សត់ចង់ស៊ីរសខ្ពង់ខ្ពស់ ជនអ្នកឥតកម្លាំងអង្គចង់ចម្បាប់
ជនអ្នកឥតបញ្ញាចង់ថ្លែងសព្ទ ជនបីនេះរាប់ទុកស្មើឆ្កួត ។ (២៧)

——————————————-

ប្រភពៈ លោកនីតិ ៣០, ធម្មនីតិ ៣២៥, កវិទប្បណនីតិ ១០០

ប្រែពីបាឡីជាភាសាខ្មែរដោយ តាអារាមប៊យ
ខែកញ្ញា ២៦, ២០១៩

Facebook Comments

Author: បណ្ឌិត ធម្មណាត

ទីប្រឹក្សា គណៈកម្មការ ពុទ្ធិកសមាគមខ្មែរ វត្តខេមររតនារាម Advisor to The Cambodian Buddhist Society of Wat KhemaRaRatanaram