លាចាកសិក្ខាបទៈ May 21st, 2023
Website: SanSochea.org
YouTube: @SanSocheaOfficials
Facebook: SanSocheaFB
| គាថាទី ៣ |
☸️សម័យមួយ ព្រះមានព្រះភាគទ្រង់គង់នៅក្នុងក្រុងសាវត្ថី ទ្រង់ប្រារព្ធនូវ មច្ឆរិយកោសិយសេដ្ឋី ដែលកំណាញ់ស្វិតស្វាញ ទើបត្រាស់នូវព្រះគាថានេះថា៖
| យថាបិ ភមរោ បុប្ផំ |
| វណ្ណគន្ធំ អហេឋយំ |
| បលេតិ រសមាទាយ |
| ឯវំ គាមេ មុនី ចរេ ។ |
☸️ភមរជាតិ មិនធ្វើផ្កាឈើដែលមានពណ៌និងក្លិនឱ្យវិនាសទេ ក្រេបយកតែរស ហើរទៅ យ៉ាងណាមិញ អ្នកប្រាជ្ញគប្បីត្រាច់ទៅក្នុងស្រុក ក៏យ៉ាងនោះឯង។
ភិក្ខុ សាន សុជា Bhikkhu San Sochea
☑️ បណ្ឌិតអាស្រ័យនឹងបិណ្ឌបាត ដូចភមរជាតិក្រេបលំអងផ្កា មិនឱ្យខូចខាតដល់ដើមសទ្ធា ម្ចាស់ទានគ្រប់គ្នាដែលបានជ្រះថ្លា ។ ☑️ ដូចឃ្មុំតែងក្រេបយកត្រឹមលំអង មិនឱ្យសៅហ្មងដល់ជាតិបុប្ផា បណ្ឌិតអាស្រ័យបិណ្ឌបាតណា ក៏ខំឧស្សាហ៍ញ៉ាំងគុណឱ្យកើត ។
ដកស្រង់ចេញពីសៀវភៅ ព្រះធម្មបទ៣០គាថា ដោយព្រះភិក្ខុវជិរប្បញ្ញោ សាន សុជា
🔸Last Updated កំណែចុងក្រោយ on June 27, 2024
Facebook Comments
