បុរាណភាសិត ៣០
ഇത്ഥീനഞ്ച ധനം രൂപം,
പുരിസാനം വിജ്ജാ ധനം;
ഭിക്ഖൂനഞ്ച ധനം സീലം,
രാജാനഞ്ച ധനം ബലം.
(នេះជាបាលីតួអក្សរ Malayalam ដូចបាលីតួអក្សរខ្មែរខាងក្រោម ខ្ញុំអត់ចេះអានទេ គ្រាន់តែយកមកបង្ហាញឱ្យមើលលេងប៉ុណ្ណោះ)
ឥត្ថីនញ្ច ធនំ រូបំ, បុរិសានំ វិជ្ជា ធនំ;
ភិក្ខូនញ្ច ធនំ សីលំ, រាជានញ្ច ធនំ ពលំ ។
ស្ត្រីមានរូបជាទ្រព្យ បុរសមានវិជ្ជាជាទ្រព្យ
ភិក្ខុមានសីលជាទ្រព្យ ព្រះរាជាមានអំណាចជាទ្រព្យ ។
——————————————-
ក្នុងលោកនីតិបករណ៍ប្រែដោយព្រះអ៊ុក ជា វជិរញ្ញាណភយវង្ស បោះពុម្ពឡើងវិញដោយ គេហដ្ឋាន អភិរក្សមរតកព្រះពុទ្ធសាសនាខ្មែរ(កាណាដា) លោកប្រែទុកជាកំណាព្យថាៈ
រូបរាងនៃស្រីជារបស់ វិជ្ជានៃបុរសជាទ្រព្យា
សីលនៃភិក្ខុសង្ឃជាភោគា កម្លាំងនៃរាជាជាភោគា ។ (ទ. ៥១)
លោកខៃ(អធិប្បាយសេចក្ដី)បន្ថែមថា
ស្ដ្រីមានរូបជាសម្បត្តិ បុរសចាត់វិជ្ជាជាធនធាន
ភិក្ខុសង្ឃមានសីលជាទ្រព្យបាន ក្សត្រក្សាន្តមានពលជាភោគា ។ (ទ. ៥២)
——————————————-
ប្រភពៈ #លោកនីតិ ឥត្ថីវគ្គ ៩៥, #ធម្មនីតិ ៧៦, #កវិទប្បណនីតិ ៣០០
ប្រែពីបាឡីជាភាសាខ្មែរដោយ តាអារាមប៊យ
៦ សីហា ២០១៩
🔸Last Updated កំណែចុងក្រោយ on March 27, 2023
