លាចាកសិក្ខាបទៈ May 21st, 2023
Website: SanSochea.org
YouTube: @SanSocheaOfficials
Facebook: SanSocheaFB
| គាថាទី ៤ |
☸️សម័យមួយ ព្រះមានព្រះភាគទ្រង់គង់នៅក្នុងក្រុងសាវត្ថី ទ្រង់ប្រារព្ធនូវអាជីវកឈ្មោះ បាដិកៈ ទើបត្រាស់នូវព្រះគាថានេះថា៖
| ន បរេសំ វិលោមានិ |
| ន បរេសំ កតាកតំ |
| អត្តនោ វ អវេក្ខេយ្យ |
| កតានិ អកតានិ ច ។ |
☸️ពាក្យចាក់ដោតទាំងឡាយ របស់ជនដ៏ទៃ បុគ្គលមិនគួរធ្វើទុកក្នុងចិត្តទេ កិច្ចដែលធ្វើហើយ និងមិនទាន់ធ្វើហើយរបស់ជនដ៏ទៃ (ដែលមិនមែនជាមុខការរបស់ខ្លួន) បុគ្គលមិនគួរពិនិត្យមើលទេ បុគ្គលគួរពិនិត្យពិចារណាតែកិច្ចការទាំងឡាយ ដែលធ្វើហើយ និងមិនទាន់ធ្វើហើយ របស់ខ្លួនតែម្យ៉ាង។
ភិក្ខុ សាន សុជា Bhikhu San Sochea
☑️ បុគ្គលដែលឆ្លុះមុខក្នុងកញ្ចក់ បែរទៅសម្លក់មើលអ្នកដ៏ទៃ ធ្វើម្តេចនឹងដឹងបានដោយប្រពៃ ព្រោះអ្នកដ៏ទៃមិនមែនអាត្មា ។ ☑️ មើលតែខ្លួនឯងមិនទាំងសព្វផង មិនគួររំលងមើលទោសអ្នកណា ត្បិតខ្លួននៅមានបាបក្នុងចិន្តា អ្នកមានប្រាជ្ញាគួរគិតផងចុះ ។
ដកស្រង់ចេញពីសៀវភៅ ព្រះធម្មបទ៣០គាថា ដោយព្រះភិក្ខុវជិរប្បញ្ញោ សាន សុជា
Facebook Comments
