លាចាកសិក្ខាបទៈ May 21st, 2023
Website: SanSochea.org
YouTube: @SanSocheaOfficials
Facebook: SanSocheaFB
| គាថាទី ១៤ |
☸️សម័យមួយ ព្រះមានព្រះភាគទ្រង់គង់នៅក្នុងវត្តជេតពន ទ្រង់ប្រារព្ធនូវចោរអ្នកទម្លាយនូវកញ្ចប់ទាំងឡាយ ទើបត្រាស់នូវព្រះគាថានេះថា៖
| យោ ពាលោ មញ្ញតី ពាល្យំ |
| បណ្ឌិតោ វាបិ តេន សោ |
| ពាលោ ច បណ្ឌិតមានី |
| ស វេ ពាលោតិ វុច្ចតិ។ |
☸️អ្នកណាជាមនុស្សពាល ហើយដឹងនូវភាពនៃខ្លួនថាជាពាល អ្នកនោះនឹងទៅជាបណ្ឌិតបានខ្លះ ដោយហេតុដែលដឹងខ្លួនថាជាពាលនោះ ម៉្យាងទៀតអ្នកណាជាមនុស្សពាល មានសេចក្តីប្រកាន់ថា ខ្លួនជាបណ្ឌិត អ្នកនោះ ឈ្មោះថាជាមនុស្សពាលដោយពិត។
ភិក្ខុ សាន សុជា Bhikhu San Sochea
☑️ អ្នកមានជំងឹ ដឹងខ្លួនថាឈឺ ពេទ្យងាយព្យាបាល ពេទ្យសួរចេះឆ្លើយ តាមឈឺធ្ងន់ស្រាល វិលមុខឈឺក្បាល ព្យាបាលបានងាយ ។ ☑️ តែថាខ្លួនឈឺ មិនព្រមបំភ្លឺ ប្រាប់ពេទ្យទាំងឡាយ តាមការឈឺចាប់ នូវក្នុងរូបកាយ ធ្វើម្តេចពេទ្យងាយ នឹងព្យាបាលបាន? ។ ☑️ យ៉ាងណាខ្លួនល្ងង់ ត្រូវតែស្មោះត្រង់ កុំតម្កើងប្រាណ បន្ទាបខ្លួនចុះ ឱ្យគេទូន្មាន ទើបទទួលបាន ចំណេះវិជ្ជា ។
ដកស្រង់ចេញពីសៀវភៅ ព្រះធម្មបទ៣០គាថា ដោយព្រះភិក្ខុវជិរប្បញ្ញោ សាន សុជា
Facebook Comments
