ឆ្នាំម្សាញ់

មនុស្សប្រុស-ស្រីណា កើតឆ្នាំម្សាញ់ ខែមិគសិរ ទំនាយថាៈ នឹងមានដំណើរត្រូវចេញទៅកាន់ ទីឆ្ងាយៗ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏មិនសូវទៀងទាត់ ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយ ៗ ។

មនុស្សប្រុស-ស្រីណា កើតឆ្នាំម្សាញ់ ខែបុស្ស ទំនាយថាៈ នឹងបានរបស់របរផ្សេងៗ រមែងហូរ ចូលមករឿយៗ សូម្បីអាហារជាភស្តភាជា បណ្ណាការ ក៏ត្រូវបានត្រូវមានយ៉ាងពោរពេញចិន្តា ក៏ប៉ុន្តែថា សត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំម្សាញ់ ខែមាឃ ទំនាយថាៈ នឹងបានជាទីនិយមចូលចិត្ត នៃអ្នកផង ទាំងជិតទាំងឆ្ងាយ បើមានសត្រូវខ្លះ ក៍គង់តែ បរាជ័យចាញ់ដៃថយកម្លាំង ចុះញ៉មចូលខ្លួនមកជាមិត្តវិញ ទៅណាៗតែងមានគេកោតសរសើរជានិច្ច ជាពិសេសបំផុត ។

មនុស្សប្រុស-ស្រីណា កើតឆ្នាំម្សាញ់ ខែផល្គុន ទំនាយថាៈ នឹងមានលាភ មានអ្នកមានបុណ្យ អំណាចរាប់រកយកជាមេត្រី ប្រចុបប្រចែងឱ្យ ដល់ខ្លួន ហើយនឹងបានគ្រឿងឧបភោគ បរិភោគយ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់ លំនៅដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំម្សាញ់ ខែចេត្រ ទំនាយថាៈ បើសិនជាគិតការអ្វីៗ នឹងបានផលសម ប្រាថ្នាគ្រប់យ៉ាង បើធ្វើការរកស៊ី ជិតឆ្ងាយក៏សមប្រកបតាមចិត្តនឹក  ក៍ប៉ុន្តែពេលនេះច្រើនមានរោគ ឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំង ក៏តិចដែរ ។

មនុស្សប្រុស-ស្រីណា កើតឆ្នាំម្សាញ់ ខែពិសាខ ទំនាយថាៈ នឹងមានដំណើរត្រូវចេញចរទៅកាន់ ទីឆ្ងាយៗ ពិទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏ពុំសូវទៀងទាត់ ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយ ៗ ។

មនុស្សប្រុស-ស្រីណា កើតឆ្នាំម្សាញ់ ខែជេស្ឋ ទំនាយថាៈ មិនសូវល្អ ត្រូវបង់ខាតរបស់ទ្រព្យ ផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៏ចង់បែរជាមើលបំណាំ កើតរង្កៀសចិត្ត ។ ឯស្វាមី និង ភរិយានឹងមានការស្ទោគស្ទានចិត្ត ឈ្លោះ ទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នាជាអចិន្រ្តៃយ៍ ។

មនុស្សប្រុស-ស្រីណា កើតឆ្នាំម្សាញ់ ខែអាសឍ ទំនាយថាៈ ក្នុងពេលនេះនឹងបានរបស់ជាទី ស្រឡាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ទនិយាយកិច្ចការប្រចាំជាមួយនឹងអ្នកមុខអ្នកការ បានផល យ៉ាងទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំម្សាញ់ ខែស្រាពណ៍ ទំនាយថាៈ បើសិនជាគិតការអ្វីៗ នឹងបានផល សមប្រាថ្នាគ្រប់យ៉ាង បើធ្វើការរកស៊ីជិតឆ្ងាយ ក៏សមប្រកបតាមចិត្តនឹក ប៉ុន្តែពេលនេះច្រើនរោគ ឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំងក៏តិចដែរ ។

មនុស្សប្រុស-ស្រីណា កើតឆ្នាំម្សាញ់ ខែភទ្របទ ទំនាយថាៈ នឹងបានទទួលដំណឹងពីញាតិមិត្ត ជិតឆ្ងាយ ឬមិត្តភក្តិជាទីស្រឡាញ់រាប់អានដែល ឃ្លាតគ្នាយូរហើយ នឹងមកដល់ បើនិយាយការប្រាស្រ័យ ទាក់ទងជាមួយនឹងអ្នកធំ ឬនាយចៅហ្វាយ នឹងបានគួរជាទីជឿទុកចិត្ត តទៅត្រូវបានជាទីលើកដម្កើង ពីនាយជាធំ ក្នុងពេលនេះ គួរប្រយ័ត្នចង្កេះ ខ្នង ក្រែងមានថ្លោះគ្រេចជាដើម ។

មនុស្សប្រុស-ស្រីណា កើតឆ្នាំម្សាញ់ ខែអស្សុជ ទំនាយថាៈ មិនសូវល្អ ត្រូវបង់ខាតរបស់ទ្រព្យ ផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្ត ភក្តិក៏ចង់បែរជាមើលបំណាំ កើតរង្កៀសចិត្ត ។ ឯស្វាមី និង ភរិយាមានការស្ទោគស្ទានចិត្ត ឈ្លោះទាស់ ទែងគ្នាញឹកញយ ចេះតែមានការអាប់អួ ដល់គ្នា និង គ្នាជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំម្សាញ់ ខែកត្តិក ទំនាយថាៈ ក្នុងពេលនេះ នឹងបានរបស់ជាទី ស្រឡាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការប្រចាំជាមួយនឹងអ្នកមុខអ្នកការ បានផល យ៉ាងទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ ប៉ះទង្គិចពុំស្រួល ។