ឆ្នាំថោះ

មនុស្សប្រុស-ស្រីណា កើតឆ្នាំថោះ ខែមិគសិរ ទំនាយថាៈ នឹងមានលាភ មានអ្នកមានបុណ្យ អំណាចរាប់រកយកជាមេត្រី ប្រចុបប្រចែងឱ្យដល់ ខ្លួន ហើយនឹងបានគ្រឿងឧបភោគ បរិភោគយ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំថោះ ខែបុស្ស ទំនាយថាៈ នឹងមានដំណើរត្រូវចេញចរ ទៅកាន់ទីឆ្ងាយ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិត ទៀតសោត ក៏មិនសូវទៀងទាត់  ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះ ចរឡើងទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំថោះ ខែមាឃ ទំនាយថាៈ នឹងបានរបស់របរផ្សេងៗ រមែងហូរ ចូលមករឿយៗ សូម្បីអាហារភស្តភាបណ្ណាការ ក៏ត្រូវបានត្រូវមានយ៉ាងពោរពេញចិន្តា ក៏ប៉ុន្តែថា សត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំថោះ ខែផល្គុន ទំនាយថាៈ នឹងបានជាទីនិយមចូលចិត្ត នៃអ្នកផងទូទាំងជិតទាំងឆ្ងាយ បើមានសត្រូវខ្លះ ក៏គង់តែ បរាជ័យចាញ់ដៃថយកម្លាំងចុះញ៉មចូលខ្លួន មកជាមិត្តវិញ ទៅកាន់ទីណាៗ តែងតែមានគរកោតសរសើរ ជានិច្ច ជាពិសេសបំផុត ។

មនុស្សប្រុស-ស្រីណា កើតឆ្នាំថោះ ខែចេត្រ ទំនាយថាៈ នឹងមានលាភ មានអ្នកមានបុណ្យ អំណាចរាប់រកយកជាមេត្រី ប្រចុបប្រចែង ឱ្យដល់ខ្លួនហើយ នឹងបានគ្រើងឧបភោគ បរិភោគយ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅដ្ឋាន បើសិន ជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំថោះ ខែពិសាខ ទំនាយថាៈ នឹងមានដំណើរត្រូវចេញចរទៅ កាន់ទីឆ្ងាយ ពីទីកន្លែងដែលធ្លាប់រស់នៅ ត្រូវនឿយ ព្រួយព្រោះតែគំនិតរបស់ខ្លួន ទាំងចិត្តទាំងគំនិត ទៀតសោត ក៏មិនសូវទៀងទាត់ ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះ ចរឡើង ទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំថោះ ខែជេស្ឋ ទំនាយថាៈ មិនសូវល្អ ត្រូវបង់ខាតរបស់ទ្រព្យផ្ទាល់ ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៏ចង់បែរជាមើលបំណាំ កើតរង្កៀសចិត្ត ។ ឯស្វាមី និង ភរិយា និងមានការស្ទោគស្ទានចិត្ត ឈ្លោះទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នាជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំថោះ ខែអាសាឍ ទំនាយថាៈ ក្នុងពេលនេះ នឹងបានរបស់ជា ទីស្រឡាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការជាមួយនឹងអ្នកមុខអ្នកការ បានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំថោះ ខែស្រាពណ៍ ទំនាយថាៈ បើសិនជាគិតការអ្វីៗ នឹងបានផល សម្រេចសមតាមសេចក្តីប្រាថ្នា គ្រប់យ៉ាង បើធ្វើការរកស៊ីជិតឆ្ងាយ ក៏សមប្រកបតាមចិត្តនឹក ប៉ុន្តែ ពេលនេះច្រើនមានរោគឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំង ក៏តិចដែរ ។

មនុស្សប្រុស-ស្រីណា កើតឆ្នាំថោះ ខែភទ្របទ ទំនាយថាៈ នឹងបានទទួលដំណឹងពីញាតិ មិត្តជិតឆ្ងាយ ឬមិត្តភក្តិជាទីស្រឡាញ់រាប់អាន ដែលឃ្លាត គ្នាយូរហើយ នឹងមកដល់ បើនិយាយ ការប្រាស្រ័យជាមួយនឹងអ្នកធំ នាយចៅហ្វាយ នឹងបានគួរជាទី ជឿទុកចិត្ត តទៅត្រូវបានជាទីលើក ដម្កើងពីនាយជាធំ ក្នុងពេលនេះគួរប្រយ័ត្ន ចង្កេះ ខ្នង ក្រែងមានថ្លោះ គ្រេចជាដើម ។

មនុស្សប្រុស-ស្រីណា កើតឆ្នាំថោះ ខែអស្សុជ ទំនាយថាៈ មិនសូវល្អទេ ត្រូវបង់ខាតរបស់ទ្រព្យ ផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៏ចង់បែរជាមើលបំណាំ កើតរង្កៀសចិត្ត ។ ឯស្វាមី និង ភរិយា នឹងមានការស្ទោគស្ទានចិត្ត ឈ្លោះទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នាជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំថោះ ខែកត្តិក ទំនាយថាៈ ក្នុងពេលនេះ នឹងបានរបស់ជាទីស្រឡាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការជាមួយនឹងអ្នកមុខអ្នកការ បានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ប៉ះទង្គិចពុំស្រួល ។