ឆ្នាំរកា

មនុស្សប្រុស-ស្រីណា កើតឆ្នាំរកា ខែមិគសិរ ទំនាយថាៈ នឹងមានលាភ មានអ្នកមានបុណ្យអំណាច រាប់រកយកជាមេត្រី ប្រចុបប្រចែងឱ្យដល់ ខ្លួន ហើយនឹងបានគ្រឿងឧបភោគបរិភោគយ៉ាងបរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំរកា ខែបុស្ស ទំនាយថាៈ នឹងមានដំណើរត្រូវចេញចរទៅកាន់ ទីឆ្ងាយ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏មិនសូវទៀងទាត់ ។ ចំពោះស្វាមី ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំរកា ខែមាឃ ទំនាយថាៈ នឹងបានរបស់របរផ្សេងៗ រមែងហូរចូល មករឿយៗ សូម្បីអាហារភស្តភាជាបណ្ណាការ ក៏ត្រូវបានត្រូវមានយ៉ាងពោរពេញចិន្តា ក៏ប៉ុន្តែថាសត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំរកា ខែផល្គុន ទំនាយថាៈ នឹងបានជាទីនិយមចូលចិត្ត នៃអ្នកផង ទាំងជិតទាំងឆ្ងាយ បើសិនមានសត្រូវខ្លះក៏គង់តែ បរាជ័យចាញ់ដៃថយកម្លាំងចុះញ៉មចូលខ្លួន មកជាមិត្ត វិញទៅណាៗ តែងតែមានគេកោតសរសើរជានិច្ច ជាពិសេសបំផុត ។

មនុស្សប្រុស-ស្រីណា កើតឆ្នាំរកា ខែចេត្រ ទំនាយថាៈ នឹងមានលាភ មានអ្នកមានបុណ្យអំណាច រាប់រកយកជាមេត្រី ប្រចុបប្រចែងឱ្យដល់ ខ្លួន ហើយនឹងបានគ្រឿងឧបភោគបរិភោគយ៉ាងបរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំរកា ខែពិសាខ ទំនាយថាៈ នឹងមានដំណើរត្រូវចេញចរទៅកាន់ ទីឆ្ងាយ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏មិនសូវទៀងទាត់ ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំរកា ខែជេស្ឋ ទំនាយថាៈ មិនសូវល្អ ត្រូវបង់ខាតរបស់ទ្រព្យផ្ទាល់ ខ្លួន បើមិនដូច្នោះទេ ក្រែងមាន ជម្ងឺដម្កាត់ មិត្តភក្តិក៏ចង់ប្រែជាមើលបំណាំ កើតរង្កៀសចិត្ត  ឯស្វាមី និង ភរិយា នឹងមានការស្ទោគស្ទានចិត្ត ឈ្លោះទាស់ទែងគ្នាញឹកញយ ចេះតែមានការរអាប់អួ ដល់គ្នា និង គ្នាជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំរកា ខែអាសាឍ ទំនាយថាៈ ក្នុងពេលនេះ នឹងបានរបស់ជាទី ស្រឡាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការជាមួយនឹងអ្នកមុខអ្នកការបានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ប៉ះទង្គិចពុំស្រួល។

មនុស្សប្រុស-ស្រីណា កើតឆ្នាំរកា ខែស្រាពណ៍ ទំនាយថាៈ បើសិនជាគិតការអ្វីៗ នឹងបានផលសម ប្រាថ្នាគ្រប់យ៉ាង បើធ្វើការរកស៊ីជិតឆ្ងាយ ក៏សមប្រកបតាមចិត្តនឹក ប៉ុន្តែពេលនេះច្រើនមានរោគ ឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំង  ក៏តិចដែរ ។

មនុស្សប្រុស-ស្រីណា កើតឆ្នាំរកា ខែភទ្របទ ទំនាយថាៈ នឹងបានទទួលដំណឹងពីញាតិមិត្ត ជិតឆ្ងាយ ឬមិត្តភកិ្តជាទីស្រឡាញ់រាប់អាន ដែលឃ្លាត គ្នាយូរហើយនឹងមកដល់ បើនិយាយការជាមួយ នឹងអ្នកធំ ឬនាយចៅហ្វាយនឹងបានគួរជាទីជឿទុកចិត្ត តទៅត្រូវបានជាទីលើកដម្កើងពីនាយជាធំ ក្នុង ពេលនេះគួរប្រយ័ត្ន ចង្កេះ ខ្នងក្រែងមានថ្លោះគ្រេចជាដើម​​​ ។

មនុស្សប្រុស-ស្រីណា កើតឆ្នាំរកា ខែអស្សុជ ទំនាយថាៈ មិនសូវល្អ ត្រូវបង់ខាតរបស់ទ្រព្យផ្ទាល់ ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៏ចង់ប្រែជាមើលបំណាំ កើតរង្កៀសចិត្ត ។ ឯស្វាមី ភរិយានឹងមានការស្ទោគស្ទានចិត្ត ឈ្លោះទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នា ជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំរកា ខែកត្តិក ទំនាយថាៈ ក្នុងពេលនេះ នឹងបានរបស់ជាទីស្រលាញ់ ឬជាឯកលាភ(លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការ ជាមួយនឹងអ្នកមុខអ្នកការបានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែស ខ្លួនពេក ក្រែងមានជំពប់ប៉ះទង្គិចពុំស្រួល។