ឆ្នាំឆ្លូវ

មនុស្សប្រុស-ស្រីណា កើតឆ្នាំឆ្លូវ ខែមិគសិរ ទំនាយថាៈ នឹងមានលាភមានអ្នកមានបុណ្យ អំណាចរាប់រក យកជាមេត្រី ប្រចុបប្រចែងឱ្យដល់ ខ្លួន ហើយនឹងបានគ្រឿងឧបភោគបរិភោគ យ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំឆ្លូវ ខែបុស្ស ទំនាយថាៈ នឹងមានតំណើរត្រូវចេញចរ ទៅកាន់ ទីឆ្ងាយៗ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏មិនសូវទៀងទាត់ ចំពោះស្វាមីនិងភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំឆ្លូវ ខែមាឃ ទំនាយថាៈ នឹងបានជាទីនិយមចូលចិត្ត នៃអ្នកផង ទាំងជិតទាំងឆ្ងាយ បើមាន សត្រូវ ខ្លះក៏គង់តែបរាជ័យ ចាញ់ដៃថយកម្លាំងចុះញ៉មចូលខ្លួន មកជាមិត្តវិញ ទៅណាៗ តែងមានគេ កោតសរសើរជានិច្ច ។

មនុស្សប្រុស-ស្រីណា កើតឆ្នាំឆ្លូវ ខែផល្គុន ទំនាយថាៈ នឹងបានរបស់របរផ្សេងៗ រមែងហូរ ចូលមករឿយៗ សូម្បីអាហារ ភស្តភាជាបណ្ណាការ ក៏ត្រូវបានមានយ៉ាងពោរពេញចិន្តា ក៏ប៉ុន្តែថា សត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំឆ្លូវ ខែចេត្រ ទំនាយថាៈ មិនសូវល្អ ត្រូវបង់ខាតរបស់ទ្រព្យផ្ទាល់ ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៍ចង់បែរជាមើលបំណាំ កើតរង្កៀសចិត្ត ឯស្វាមី ភរិយានឹងមានការស្ទោគស្ទានចិត្ត ឈ្លោះទាស់ ទែងគ្នាជាញឹកញយចេះតែមានការអាប់អួដល់គ្នា និង គ្នា ជាអចិន្រ្តៃយ៍ ។

មនុស្សប្រុស-ស្រីណា កើតឆ្នាំឆ្លូវ ខែជេស្ឋ ទំនាយថាៈ នឹងមានលាភ មានអ្នកមានបុណ្យអំណាច រាប់រកយកជាមេត្រី ប្រចុបប្រចែងឱ្យដល់ ខ្លួន ហើយនឹងបានគ្រឿងឧបភោគបរិភោគយ៉ាងបរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំឆ្លូវ ខែអាសាឍ ទំនាយថាៈ ក្នុងពេលនេះ នឹងបានរបស់ ជាទីស្រលាញ់ ឬជាឯកលាភ គឺ(លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការជាមួយនឹងអ្នកមុខអ្នកការ បានផលយ៉ាង ទូលំទូលាយ ហើយមានសិរីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំឆ្លូវ ខែស្រាពណ៍ ទំនាយថាៈ មិនសូវល្អ ត្រូវបង់ខាតរបស់ ទ្រព្យផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិ ក៍ចង់បែរជាមើលបំណាំកើតរង្កៀសចិត្ត ។ ឯស្វាមីភរិយានឹងមានការស្ទោគស្ទានចិត្តឈ្លោះ ទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នា ជាអចិន្រ្តៃយ៍ ។

មនុស្សប្រុស-ស្រីណា កើតឆ្នាំឆ្លូវ ខែភទ្របទ ទំនាយថាៈ នឹងបានទទួលដំណឹងពីញាតិសន្តាន ជិតឆ្ងាយ ឬមិត្តភក្តិជាទីស្រលាញ់រាប់អាន ដែលឃ្លាតគ្នាយូរហើយ នឹងមកដល់ បើនិយាយការប្រាស្រ័យ ជាមួយនឹងអ្នកធំ ឬនាយចៅហ្វាយនឹងបាន គួរជាទីជឿទុកចិត្ត តទៅត្រូវបានជាទីលើកតម្កើងពីនាយជាធំ ក្នុងពេលនេះគួរប្រយ័ត្ន ចង្កេះ ខ្នង ក្រែងមានថ្លោះគ្រេចជាដើម ។

មនុស្សប្រុស-ស្រីណា កើតឆ្នាំឆ្លូវ ខែអស្សុជ ទំនាយថាៈ បើសិនជាគិតការអ្វីៗ នឹងបានផល សមប្រាថ្នា គ្រប់បែបយ៉ាង បើធ្វើការរកស៊ីជិតឆ្ងាយ ក៍សមប្រកបតាមចិត្តនឹក ប៉ុន្តែពេលនេះច្រើន មានរោគឈឺក្បាល  វិលមុខ ឈឺភ្នែក ឈឺត្រចៀក បើមិនខ្លាំង ក៏តិចតួចដែរ ។

មនុស្សប្រុស-ស្រីណា កើតឆ្នាំឆ្លូវ ខែកត្តិក ទំនាយថាៈ  ក្នុងពេលនេះ នឹងបានរបស់ជាទីស្រលាញ់ ឬជាឯកលាភ គឺ(លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ច ការជាមួយនឹង អ្នកមុខអ្នកការ បានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេស ប្រហែសខ្លួនពេក ក្រែងមានជំពប់ប៉ះទង្គិចពុំស្រួល ។