ឆ្នាំជូត

មនុស្សប្រុស-ស្រីណា កើតឆ្នាំជូត ខែមិគសិរ ទំនាយថាៈ នឹងមានលាភ មានអ្នកមានបុណ្យ មានអំណាចរាប់រកយកជាមេត្រីប្រចុបប្រចែងឱ្យដល់ខ្លួន ហើយនឹងបានគ្រឿងឧបភោគ បរិភោគ យ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំជូត ខែបុស្ស ទំនាយថាៈ នឹងមានតំណើរត្រូវចេញចរទៅកាន់ ទីឆ្ងាយៗ ពីទីកន្លែងធ្លាប់រស់នៅ ត្រូវនឿយព្រួយព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៍មិនសូវទៀងទាត់ ។ ចំពោះស្វាមី ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះចរឡើង ទៅឯណេះឯណោះញយៗ  ។

មនុស្សប្រុស-ស្រីណា កើតឆ្នាំជូត ខែមាឃ ទំនាយថាៈ នឹងបានរបស់របរផ្សេងៗ រមែងហូរចូល មករឿយៗ អាហារជាភស្តភាបណ្ណាការ ក៏ត្រូវបានត្រូវមានយ៉ាងពោរពេញចិន្តា ក៏ប៉ុន្តែថាសត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំជូត ខែផល្គុន ទំនាយថាៈ នឹងបានជាទីនិយមចូលចិត្ត នៃអ្នកផង ទាំងជិតទាំងឆ្ងាយ បើមានសត្រូវខ្លះ ក៍គង់តែបរាជ័យចាញ់ដៃថមថយកម្លាំងចុះញ៉មចូលខ្លួនមកជាមិត្តវិញ ទៅណាៗ តែងមានគេកោតសរសើរជានិច្ច។

មនុស្សប្រុស-ស្រីណា កើតឆ្នាំជូត ខែចេត្រ ទំនាយថាៈ នឹងមានលាភ មានអ្នកមានបុណ្យ មានអំណាចរាប់រក យកជាមេត្រីប្រចុបប្រចែងឱ្យដល់ខ្លួនហើយ នឹងបានគ្រឿងឧបភោគ-បរិភោគ យ៉ាងបរិបូណ៌ ជួនកាលមានគេនាំរង្វាន់យកមកឱ្យដល់លំនៅដ្ឋាន បើសិនជាមានរោគ ច្រើនតែឈឺពោះ (ដូច្នេះ ត្រូវប្រយ័ត្នចំណីអាហារ) ។

មនុស្សប្រុស-ស្រីណា កើតឆ្នាំជូត ខែពិសាខ ទំនាយថាៈ នឹងមានដំណើរត្រូវចេញចរទៅកាន់ ទីឆ្ងាយៗ ពីទីកន្លែងធ្លាប់រស់នៅត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិតទៀតសោត ក៏មិនសូវទៀងទាត់ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះឡើង ទៅឯណេះ ទៅឯណោះញយៗ ។

មនុស្សប្រុស-ស្រីណា កើតឆ្នាំជូត ខែជេស្ឋ ទំនាយថាៈ មិនសូវល្អ ត្រូវបង់ខាតរបស់ទ្រព្យផ្ទាល់ខ្លួន បើមិនដូច្នោះទេ ក្រែងមានជម្ងឺតម្កាត់ មិត្តភក្តិក៏ចង់បែរជាមើលបំណាំ កើតរង្កៀសចិត្ត ឯស្វាមី ភរិយា នឹងមានការស្ទោគស្ទានចិត្ត ឈ្លោះទាស់ ទែងគ្នា ញឹកញយ ចេះតែមានការអាប់អួ ដល់គ្នា និង គ្នា ជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំជូត ខែអាសាឍ ទំនាយថាៈ ក្នុងពេលនេះ នឹងបានរបស់ជាទី ស្រលាញ់ ឬ ជាឯកលាភ គឺ(លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការប្រចាំជាមួយនិងអ្នកមុខ អ្នកការបានផលយ៉ាងទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែស ខ្លួនពេកក្រែងមានជំពប់ ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំជូត ខែស្រាពណ៍ ទំនាយថាៈ បើសិនជាគិតការអ្វីៗ នឹងបានផល សមប្រាថ្នាគ្រប់បែបយ៉ាង បើធ្វើការរកស៊ីជិតឆ្ងាយ ក៍សមប្រកបតាមចិត្តនឹកគិត ប៉ុន្តែច្រើនមានរោគ ឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំងក៍តិចដែរ ។

មនុស្សប្រុស-ស្រីណា កើតឆ្នាំជូត ខែភទ្របទ ទំនាយថាៈ នឹងបានទទួលដំណឹងពីញាតិមិត្ត ជិតឆ្ងាយ ឬ មិត្តភក្តិជាទីស្រលាញ់រាប់អាន ដែលឃ្លាតគ្នាយូរហើយនឹងមកដល់ បើនិយាយការប្រាស្រ័យ ជាមួយនឹងអ្នកធំ ឬ ចៅហ្វាយនាយ នឹងបាន គួរជាទីជឿទុកចិត្ត តទៅត្រូវបានជាទីលើកតម្កើងពីនាយ ជាធំ ក្នុងពេលនេះគួរប្រយ័ត្ន ចង្កេះ ខ្នងក្រែងមានថ្លោះគ្រេច ជាដើម ។

មនុស្សប្រុស-ស្រីណា កើតឆ្នាំជូត ខែអស្សុជ ទំនាយថាៈ មិនសូវល្អត្រូវបង់ខាត របស់ទ្រព្យ ផ្ទាល់ខ្លួន បើមិនដូច្នោះទេ ក្រែងមានជម្ងឺតម្កាត់ មិត្តភក្តិក៍ចង់បែរជាមើលបំណាំ កើតរង្កៀសចិត្ត ឯស្វាមី ភរិយា នឹងមានការស្ទោគស្ទានចិត្ត ឈ្លោះទាស់ ទែងគ្នាញឹកញយ ចេះតែមានការអាប់អួ ដល់គ្នា និង គ្នា ជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំជូត ខែកត្តិក ទំនាយថាៈ ក្នុងពេលនេះ នឹងបានរបស់ជាទីស្រលាញ់ ឬជាឯកលាភ គឺ(ជាលាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយ កិច្ចការជាមួយ នឹងអ្នកមុខអ្នកការនឹង បានផលយ៉ាងទូលំទូលាយ ហើយមានរាសីរីករុងរឿង ប៉ុន្តែ កុំធ្វេសប្រហែសខ្លួនពេក ក្រែងមានជំពប់ ប៉ះទង្គិចពុំស្រួលឡើយ ។