ឆ្នាំខាល

មនុស្សប្រុស-ស្រីណា កើតឆ្នាំខាល ខែមិគសិរ ទំនាយថាៈ នឹងមានលាភ មានអ្នកមានបុណ្យ អំណាចរាប់រកយកជាមេត្រី ប្រចុបប្រចែងឱ្យដល់ ខ្លួនហើយនឹងបានគ្រឿងឧបភោគ បរិភោគយ៉ាង បរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំខាល ខែបុស្ស ទំនាយថាៈ នឹងមានដំណើរត្រូវចេញចរ ទៅកាន់ទីឆ្ងាយ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិត ទៀតសោត ក៏មិនសូវទៀងទាត់ ។ ចំពោះស្វាមី និង ភរិយា ច្រើនរអ៊ូរទាំ រញ៉ាំរញ៉ូវ ស្រួលតែដើរចរចុះ ចរឡើងទៅឯណេះឯណោះញយៗ ។

មនុស្សប្រុស-ស្រីណា កើតឆ្នាំខាល ខែមាឃ ទំនាយថាៈ នឹងបានរបស់របរផ្សេងៗ រមែង ហូរចូលមករឿយៗ សូម្បីអាហារភស្តភាជាបណ្ណាការ ក៏ត្រូវបានមានយ៉ាងពោរពេញចិន្តា ។ ក៏ប៉ុន្តែថា សត្រូវមាន ព្រោះសេចក្តីច្រណែនឈ្នានីស ។

មនុស្សប្រុស-ស្រីណា កើតឆ្នាំខាល ខែផល្គុន ទំនាយថាៈ ក្នុងពេលនេះ នឹងបានរបស់ ជាទីស្រលាញ់ ឬជាឯកលាភ (លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬនិយាយកិច្ចការប្រចាំជាមួយ នឹងអ្នកមុខអ្នកការ បានផល យ៉ាងទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំខាល ខែចេត្រ ទំនាយថាៈ នឹងមានដំណើរត្រូវចេញចរ ទៅកាន់ទីឆ្ងាយ ពីទីកន្លែងធ្លាប់រស់នៅ ត្រូវនឿយព្រួយ ព្រោះតែគំនិតរបស់ខ្លួន ទាំងចិត្តទាំងគំនិត ទៀតសោត ក៏មិនសូវទៀងទាត់ ។ ចំពោះស្វាមី ភរិយា ច្រើនរអ៊ រទាំ រញ៉ាំរញ៉ូវ ស្រួលតែដើរចរចុះ ចរឡើង ទៅឯណេះឯណោះ ញយៗ ។

មនុស្សប្រុស-ស្រីណា កើតឆ្នាំខាល ខែពិសាខ ទំនាយថាៈ នឹងមានលាភ មានអ្នកមានបុណ្យអំណាច រាប់រកយកជាមេត្រី ប្រចុបប្រចែងឱ្យដល់ ខ្លួនហើយនឹងមានគ្រឿងឧបភោគបរិភោគយ៉ាងបរិបូណ៌ ជួនកាលមានគេនាំរង្វាន់ខាន់ខាវ មកដល់លំនៅ ដ្ឋាន បើសិនជាមានរោគ ច្រើនតែឈឺពោះ ។

មនុស្សប្រុស-ស្រីណា កើតឆ្នាំខាល ខែជេស្ឋ ទំនាយថាៈ មិនសូវល្អ ត្រូវបង់ខាតរបស់ ទ្រព្យផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិក៏ចង់បែរជាមើលបំណាំ កើតរង្កៀសចិត្ត ឯស្វាមី ភរិយា នឹងមានការស្ទោគស្ទានចិត្ត ឈ្លោះទាស់ ទែងគ្នាញឹកញយ ចេះតែមានការអាប់អួ ដល់គ្នា និង គ្នា ជាអចិន្រ្តៃយ៍ ។

មនុស្សប្រុស-ស្រីណា កើតឆ្នាំខាល ខែអាសាឍ ទំនាយថាៈ ក្នុងពេលនេះ នឹងបានរបស់ជា ទីស្រឡាញ់ ឬជាឯកលាភ(លាភដែលវិសេសវិសាល) យ៉ាងរីករាយ បើសិនជាចាប់ផ្តើមធ្វើការរកស៊ី ឬ និយាយកិច្ចការជាមួយនឹងអ្នកមុខអ្នកការ បានផលយ៉ាង ទូលំទូលាយ ហើយមានរាសីរីករុងរឿង ប៉ុន្តែកុំធ្វេសប្រហែសខ្លួនពេក ក្រែងមានជំពប់ប៉ះទង្គិចពុំស្រួល ។

មនុស្សប្រុស-ស្រីណា កើតឆ្នាំខាល ខែស្រាពណ៍ ទំនាយថាៈ បើសិនគិតការអ្វីៗ នឹងបានសម ប្រាថ្នាគ្រប់យ៉ាង បើធ្វើការរកស៊ីជិតឆ្ងាយ ក៏សមប្រកបតាមចិត្តនឹក ប៉ុន្តែពេលនេះច្រើនមានរោគ ឈឺក្បាល វិលមុខ ឈឺភ្នែក ឈឺត្រចៀក បើមិនខ្លាំង ក៏តិចដែរ ។

មនុស្សប្រុស-ស្រីណា កើតឆ្នាំខាល ខែភទ្របទ ទំនាយថាៈ នឹងបានទទួលដំណឹងពីញាតិ មិត្តជិតឆ្ងាយ ឬមិត្តភក្តិជាទីស្រលាញ់រាប់អាន ដែលឃ្លាត គ្នាយូរហើយ នឹងមកដល់ បើនិយាយការ ប្រាស្រ័យជាមួយនឹងអ្នកធំ ឬនាយចៅហ្វាយនឹងបានគួរជាទី ជឿទុកចិត្ត តទៅត្រូវបានជាទីលើក តម្កើងពីនាយជាធំ ក្នុងពេលនេះគួរប្រយ័ត្ន ចង្កេះ ខ្នងក្រែងមានថ្លោះ គ្រេចជាដើម ។

មនុស្សប្រុស-ស្រីណា កើតឆ្នាំខាល ខែអស្សុជ ទំនាយថាៈ មិនសូវល្អ ត្រូវបង់ខាតរបស់ ទ្រព្យផ្ទាល់ខ្លួន បើមិនដូច្នោះទេ ក្រែងមានជម្ងឺដម្កាត់ មិត្តភក្តិ ក៏ចង់បែរជាមើលបំណាំ កើតរង្កៀសចិត្ត ឯស្វាមី និង ភរិយា នឹងមានការស្ទោគស្ទានចិត្តឈ្លោះ ទាស់ទែងគ្នាញឹកញយ ចេះតែមានការអាប់អួ ដល់គ្នា និង គ្នាជាអចិន្ត្រៃយ៍ ។

មនុស្សប្រុស-ស្រីណា កើតឆ្នាំខាល ខែកត្តិក ទំនាយថាៈ នឹងបានជាទីនិយមចូលចិត្ត នៃអ្នក ផងទាំងជិតទាំងឆ្ងាយ បើមានសត្រូវខ្លះក៏គង់ បរាជ័យ ចាញ់ដៃថយកម្លាំងចុះញ៉មចូលខ្លួន មកជា មិត្តវិញ ទៅណាៗតែងមានគេកោតសរសើរជានិច្ច ។