| រឿងចាស់គ្មានសិទ្ធនឹងចៀសបាន | គ្រប់ប្រាណតែងមានជាធម្មតា |
| ទោះលោមអង្វរសូកយ៉ាងណា | អស់ទាំងលោកាគ្មានផ្សារលក់។ |
| រឿងឈឺឥតរើសរូបសខ្មៅ | ម៉ឺនសែនផ្សាក្ដៅដូចភ្លើងភ្នក់ |
| ឈឺតូចឈឺធំបំពត់ | ខ្ទេចខ្ទាំដំគក់សរីរាង្គ។ |
| ពេលស្លាប់ជាពេលអស់កម្មសិទ្ធ | ពេលនាំជីវិតចាកកាយា |
| ក្ដីស្លាប់ឥតមានអ្នកត្រូវការ | តែមច្ចុមារមិនយោគយល់ |
| ម៉ែឪកូនចៅប្ដីប្រពន្ធ | សង្សារទ្រព្យធនធ្លាប់ថ្កើងថ្កល់ |
| ជាទីស្រឡាញ់ពេលនិយម | គង់ក្រោមឥទ្ធិពលក្ដីប្រាស់ព្រាត់។ |
| អ្នកអាក្រក់អ្នកល្អអ្នកសខ្មៅ | អ្នកឆ្លាតអ្នកខ្លៅអ្នកក្រខ្សត់ |
| សុទ្ធតែមានកម្មជាបន្ទាត់ | កំណត់ចែងចារវាសនាអើយ។ |
កំណាព្យនិពន្ធដោយៈ ធម្មាចារ្យ ឆឹង កាន
🔸Last Updated កំណែចុងក្រោយ on September 13, 2024
Facebook Comments
