អវិជ្ជានិងកម្លៅ
| អវិជ្ជាមានន័យថាល្ងិតល្ងង់ | ចង់ភ្លឺរៀនឡើងអោយជ្រះស្វាង |
| សាងខ្លួនខ្ពង់ខ្ពស់មានសំណាង | ធ្វើមេចាងហ្វាងគ្រប់គ្រងការ ។ |
| អវិជ្ជាមានន័យថាមិនចេះ | ស្រវាតម្រេះត្រងសិក្សា |
| បណ្តុះខ្លួនឡើងយសភ្លឺថ្លា | ក្លាយជាបញ្ញាជនគំរូ ។ |
| រីឯកម្លៅមានន័យផ្សឹង | ជាអ្នកចេះដឹងប្រឹងគឃូរ |
| វាយឫកអញចេះគ្មានអ្នកប្តូរ | កុំជោរកែកុនអោយយោបល់ ។ |
| កម្លៅសំដៅអ្នកដឹងចេះ | មានចិត្តមានះមិនរវល់ |
| ពុំស្តាប់គតិយោងហេតុផល | ច្រានចោលយោបល់រិះគន់ខ្លួន ។ |
| ជំងឺពីរនេះឈឺខុសគ្នា | ឈឺអវិជ្ជាពេទ្យអាចស្ងួន |
| តែឈឺកម្លៅគ្មានទេក្បួន | ពេទ្យអាចថែធួនជាងាយឡើយ ៕ |
និពន្ធដោយអ្នកស្រី កែវ ច័ន្ទបូរណ៍ Keo, Chanbo
