លាចាកសិក្ខាបទៈ May 21st, 2023
Website: SanSochea.org
YouTube: @SanSocheaOfficials
Facebook: SanSocheaFB
| ឈ្មោះអ្នកអត់សីល | ||
|---|---|---|
| អ្នកសម្លាប់សត្វ | មាននាមប្រាកដ | ជាឃាតករ |
| ព្រោះតែងបៀតបៀន | ឱ្យសត្វវឹកវរ | ដោយខ្លួនឥតធម៌ |
| មេត្តាប្រណី ។ | ||
| អ្នកលួចទ្រព្យគេ | បន្លំវៀចវេរ | ដោយពាក្យសំដី |
| ឬមួយដោយកាយ | គំនិតអប្រិយ | អ្នកនោះឯងនៃ |
| ជាចោរប្រាកដ ។ | ||
| អ្នកខុសក្នុងកាម | នឹងប្រាកដនាម | ថាអ្នកផិតក្បត់ |
| ប្តីប្រពន្ធខ្លួន | ឥតក្តីទៀងទាត់ | ព្រោះកាមសង្កត់ |
| ឥតឱ្យខ្មាស ។ | ||
| អ្នកពោលមិនពិត | ច្រើនបង់គំនិត | ព្រោះគេតមិនច្បាស់ |
| ពោលតាមចំណង់ | កិច្ចកុងក្រឡះ | អ្នកផងស្គាល់ច្បាស់ |
| ថាក្បត់សំដី ។ | ||
| អ្នកផឹកសុរា | នឹងបាននាមថា | អ្នកអត់ស្មារតី |
| យ៉ាងហោចអ្នកនុះ | ត្រូវជនប្រុសស្រី | គេឱ្យនាមថ្មី |
| ថាអ្នកប្រមឹក ។ | ||
| ហេតុនេះមិត្តអើយ | ចូរកុំព្រងើយ | កុំធុញកុំស្ពឹក |
| ត្រូវមានសីលប្រាំ | ប្រចាំល្ងាចព្រឹក | កុំភ្លូកកុំភ្លឹក |
| តាមលោកខាងក្រៅ ។ | ||
| ព្រោះសង្សារវដ្ត | គ្មានដើមប្រាកដ | ឥតមានគោលដៅ |
| ច្នេះត្រូវប្រព្រឹត្ត | តាមប្រាជ្ញប្រដៅ | នាំសត្វឆ្ពោះទៅ |
| ព្រះនិព្វានហោង ។ |
ដកស្រង់ចេញពីសៀវភៅ ជីវិតពិតជាត្រូវការធម៌ ដោយព្រះភិក្ខុវជិរប្បញ្ញោ សាន សុជា
🔸Last Updated កំណែចុងក្រោយ on June 28, 2024
Facebook Comments
