កំណប់ព្យញ្ជនៈ

ចំនួនទស្សនា: 36

បង្ហោះដោយ:

Johnny ចន្នី

នត្ថិ សន្តិ បរំ សុខំ
សុខដទៃក្រៅពីសេចក្តីស្ងប់ពុំមានឡើយ។

អ្នកសុំតែងតែទាស់ចិត្តអ្នកឱ្យ ការសុំហ្នឹងហើយនាំបែកមិត្ត។ 🕯️ធម្មាចារ្យ ឆឹង កាន

បទពាក្យប្រាំពីរ

កំណប់កប់នៅក្នុងព្យញ្ជនៈ	គ្រប់ឃ្លោងឃ្លាវគ្គជាក់ថ្លៃថ្លា
បើអ្នកណាមួយព្រួយឧស្សាហ៍ ភ។	អ្នកនោះឈ្មោះថាពេញមានលា
លាភយសកើតព្រោះមកពីប្រឹង	វិជ្ជាចេះដឹងថ្លឹងខ្ពស់ទាប
បាបបុណ្យគុណទោសតាមរបៀប	រាបទាបរាក់ទាក់មិនទើសទាស់
នាងអ្នកណាមួយព្រួយនឹកនា	កំណាព្យកាព្យាឃ្លាពីរោះ
រណ្តំណែងណងន័យខ្ពង់ខ្ពស់	អ្នកនោះឈ្មោះថាមានកំណប់ ។
កំណប់កប់នៅក្នុងព្យញ្ជនៈ	មិនជ្រៅមិនរាក់តាមប្រសប់
កែច្នៃលៃលករកគុណគាប់	នឹងបានជាទ្រព្យជាប់អាត្មា ។
ក កើតកំណើតជាកូនខ្មែរ	គោត្រកូលពូកែកាន់កិច្ចការ
កែកុនកាប់គាស់ស្រស់កាយា	ក្រុងស្រែចំការថ្លាផូរផង់ ។
ខ ខំសន្សំសេចក្តីល្អ	ខ-ខិតជិតធម៌ល្អឥតហ្មង
មិនខុសខូចខិលខកខាតផង	ខិតខំផ្សំផ្សងប៉ងសុខា ។
គ គេងគិតគូរគុណគួរគាប់	គងជាប់គយគន់គុណមេបា
ឧបជ្ឈាយ៍ជាគ្រូបាអាចារ្យ	ផ្តល់ត្រៃសិក្ខាសរណគមន៍ ។
ឃ ឃាត់សង្កត់ចិត្តឃោរឃៅ	ឃុបឃិតឃាតខ្លៅផ្លូវមិនឃុំ
ឃាឃាំងបាំងបាបបានភិរម្យ	ឃើញខុសត្រូវកុំឃុបឃិតអី ។
ង ងើបកុំងើយងាកងីងើ	ងក់ងោកភ្លីភ្លើស្ទើរស្មើក្ស័យ
ងោកងុយងងឹតពិតមិនថ្លៃ រ។	ងាយងាប់ក្សិណក្ស័យមិនមានងា
ច ចារចាត់ចែងចូរចូលចិត្ត	ចែកចាយជួយមិត្រពិតមេត្តា
ចាស់ៗចាប់ចិត្តជាប់ចិន្តា	លោកចែចង់ថាចេះជួយគ្នា ។
ឆ ឆាប់ឈូសឆាយចិត្តឆេវឆាវ	ឆោតខ្លៅឆាឆៅទៅប្រេះឆា
ឆាប់ឆក់យកឆត្រមកការពារ	កុំឱ្យឆន្ទាឆាបឆេះខ្លួន ។
ជ ជួយលើកស្ទួយជាតិសាសនា	ជូនជាតិខេមរាឱ្យជាប់ជួន
ជជែកជញ្ជឹងដឹងជាតិខ្លួន	ជឿជាក់មាំមួនជាតិជោគជ័យ ។
ឈ ឈប់ឈូឆរបង្ហូរឈាម	ឈានឈោងតោងនាមពីរោះល្បី
ឈូសឆាយឈឺឆួលចោលចូលដី ឆៅ។	ឈរឈានឃ្មាតឃ្មីឈប់ឆោត
ញ ញឹមញញែមឱ្យញឹកញាប់	ញ៉ាំងញាណដឹងជាប់រាប់ញាតិផៅ
ញ៉ិកញ៉កញ៉ាំញើដើរតាមផ្លូវ	ចាស់លោកប្រដៅកុំញឹកញាប់ ។
ដ ដើរឬដេកដឹងដើមដាន	ដឹងដល់ប្រមាណដូចដឹងដប់
ដាំដុះដោះដូរគួរប្រសប់	ដាក់ដុសទម្លាប់ឱ្យឧត្តម ។
ឋ ឋិតជិតឋានបានថ្នមថែ	រក្សាពុកម៉ែស្រែបុណ្យធំ
ថែមថយប្រៀបធៀបមាសប៉ុនភ្នំ	ថាធំប៉ុនគុណមិនធន់ឡើយ ។
ឌ ឌុនឌឺដងដៀមដាមគ្នា	ឌុកដាន់ចណ្ឌាដេកដីហើយ
ប្រឌិតដុតដាលដាក់ដល់ត្រើយ ដោះដូរ។	ដាស់តឿនលឿនស្បើយគួរ
ឍ ធនធូរធារហៀរធំធាត់	ធនធានមិនក្សត់អត់ដេកថ្នូរ
គ្រប់ធុនតូចធំផ្គុំសំបូរ	ធូរធារជន់ជោរមកពីខំ ។
ណ ណាត់ណែនាំអ្នកណាណាស់	ណេះណោះចោះច្បាស់កុំបន្លំ
ណែនណនណាំនួនឱ្យសួនសម សា។	ណេះណោះណិមណុមនាំណាស់
ត តបស្នងគុណកុំតឹងតាន	តបតាមលំអានពីដូនតា
តបតោងតាមច្បាប់ត្រាប់សាសនា	តាក់តែងចែងថាត្រូវតបគុណ ។
ថ ថែរក្សាកេរ្តិ៍ម៉ែពុក	ថែថួនថតទុកលោកថែមុន
ថាវរៈឋិតថេរព្រោះមានទុន	ថាមពលផលគុណទាំងទ្វេហា ។
ទ ទប់ទុក្ខទោសទាស់ទែងគ្នា	ទៅតាមមាគ៌ាជាសញ្ញា
ទោរទន់ទាក់ទងតាមមេត្តា	ទោះទាស់ម្តេចម្តាទើបទំនង ។
ធ ធន់អត់ធ្មត់ធាត់ធម្មា	ធនធានធូរធារធំធេងផង
ធាតុធម៌បរិសុទ្ធល្អឥតហ្មង	ធានាផូរផង់ខ្ពង់ខ្ពស់ក្រៃ ។
ន អ្នកណាមួយនៅនឹងន	នែបនិត្យនឹកធម៌ល្អថ្លាថ្លៃ
នួននាងអ្នកនោះនឹងមានន័យ	ដូចនិលចរណៃនាំនាថនៅ ។
ប បានបោះបង់បាបបៀតបៀន	បែបបទឈ្លានពានបំបាត់ទៅ
បោកបោសសំអាតគ្រឿងហ្មងសៅ	បំបែររកផ្លូវទៅស្ងប់ស្ងៀម ។
ផ ផឹកផិតផាយមិនស្មោះត្រង់	ផលមិនផូរផង់កុំព្យាយាម
ផលិតភោគផលត្រូវតែត្រៀម	ផស្សាហារទាមបៀមជាប់កាយ។
ព ពោលពាក្យពេចន៍ពេញពិតត្រង់	ពាំនាំពូជពង្សពិតស្រស់ស្រាយ
ពាក្យពិតបណ្ឌិតលោកបរិយាយ ថ្កាន។	ស្លាប់កាយកេរ្តិ៍ឈ្មោះខ្ពស់ថ្កើង
ភ ភូតមិនពិតនាំភិតភ័យ	ភូតច្រើនចង្រៃអសោចិ៍ប្រាណ
ភាវនាទានសីលទើបសំខាន់	ភាគផលភោគមានផែនភពថ្មី ។
ម មានមេត្តាករុណាមិត្រ	មូលមកស្នេហ៍ស្និទ្ធស្ម័គ្រភក្តី
មានមេត្តាធម៌ជាបារមី	សន្តោសប្រណីមិនរើសមុខ ។
យ យកយោគយល់មកជាយាន	យកមកជាស្ពានជួយទំនុក
យឹងយោងអ្នកយ៉ាប់ខ្វះក្តីសុខ	យាយីដោយទុក្ខមកយូរយារ ។
រ រស់រុងរឿងថ្កើងដោយយស	កេរ្តិ៍ឈ្មោះខ្ពង់ខ្ពស់ព្រោះទ្រព្យា
កុំភ្លេចរួសរាយរាក់ទាក់គ្នា	ដល់អ្នកកំព្រារស់រងកម្ម ។
ល លះលោភលន់លបលួចលាក់ ស្រាំ	លូកលាន់ទាន់ជាក់លក្ខណ៍ប្រេះ
លាក់លៀមលលេងលង់ខែឆ្នាំ យ។	លោកផ្តាំលឿនលះមិនល្អឡើ
វ វាងវិវាទឈ្លោះវឹកវរ	វីវក់វ័ណ្ឌ-ក–វង្វេងត្រើយ
វិបត្តិវិលវល់មិនល្អឡើយ	វៀចហើយវាងវៃច្នៃវិវឌ្ឍន៍ ។
ស ស៊ូសន្សំសព្វសញ្ញា	ស៊ូសូត្រសិក្សាស្ថាបនារដ្ឋ
ស៊ូសាងសង្គមឱ្យធំធាត់	ស៊ូសាងបែបបទទៅសួគ៌ឋាន ។
ហ ហ៊ានលះបងស្រោចស្រង់ជាតិ	ហ៊ានការពារញាតិដោយក្លាហាន
មិនខ្លាចហិនហោចខ្លោចខ្លួនប្រាណ	ក្លាហានជួយជាតិញាតិបានស្បើយ
ឡ ឡើងខ្ពង់ខ្ពស់កុំភ្លេចទាប ត្រើយ	ឡើងដោយសុភាបស្គាល់កោះ
ឡើងខ្ពស់ឡេះឡោះមិនល្អឡើយ	ឡើងហើយកុំឡប់ងាប់នឹងម៉្យាង។
អ អង្គទ្រង់នាមអ្នកអង់អាច	អង្គមានអំណាចកុំអួតអាង
អង្គអាចអស់បុណ្យអស់សំណាង ល។	អង្គត្រូវប្រឹងសាងបុណ្យទានសី
ក ខ គ ឃ ឃើញកំណប់	ង ងើបពីកប់គយគន់មើល
ច ឆ ជ ឈ ឈូឆរផ្អើល	ញ ញឹមមៀងមើលមុខមាំមួន ។
ដ ឋ ឌ ឍ ដុះធនធាន ក្បួន	ណ ណាត់ព្រាងលានជាច្បាប់
ត ថ ទ ធ ថែទ្រព្យធន	ន នឹងនាំខ្លួនឱ្យមានន័យ ។
ប ផ ព ភ ភប់ប្រសប់	ម មកជាទ្រព្យគាប់ប្រពៃ
យ រ ល វ វិវឌ្ឍថ្លៃ	ស សូន្យចង្រៃដ្បិតសិក្សា ។
ហ ឡ លើកឡើងលែងឡេះឡោះ	ហ ហំហួនខ្ពស់ឈ្មោះសង្ហា
អ អង្គអាចរាជរីកប្រាជ្ញា	អស់អត្ថខ្លឹមសារសូមបញ្ចប់ ។
កំណប់កប់កៀកកិតបង្កើយ	កកាយឡើងហើយគួរប្រសប់
កែច្នៃលៃលកមកជាទ្រព្យ	សម្បត្តិគុណគាប់ជាប់ខ្លួនចុះ ។
ខ្ញុំអ្នកសំណេរស្មេរចងក្រង	សូមអភ័យផងបើមានខុស
បើបានជាលាភលាក់ទុកចុះ	បែរបើបានខុសកុំយកអី ។
សូមយកត្រង់ណាថាត្រឹមត្រូវ	បើចាកចែវផ្លូវមិនប្រពៃ
សូមចោលឱ្យឆ្ងាយកុំមមៃ	មេត្តាអភ័យទោសផងណា ។
ចែកជូនកំណប់ចប់ប៉ុណ្ណេះ	សូមស្លេះសង្ខេបឈប់ចចារ
ចាប់យកគម្របគ្របប៉ាកកា	ដាក់ពីហត្ថាត្រឹមណេះហោង ៕