នត្ថិ សន្តិ បរំ សុខំ
សុខដទៃក្រៅពីសេចក្តីស្ងប់ពុំមានឡើយ។
🔸ងប់នឹងល្បែងតែងហិនហោច។
ព្យញ្ជនៈខ្ជាក់សេចក្តី
បទកាកគតិ
| ក កើតកំណប់ | ខ ខំថ្ងៃយប់ | គ គេងរិះរេ |
| ឃ ឃើញតម្លៃ | ង ងើបមុនគេ | មិននៅទំនេរ |
| រូតរះរករៀន ។ | ||
| ច ចេះចចារ | ឆ ឈប់ប្រេះឆា | ជ ជួយជាស្ពាន |
| ឈ ឈានទៅមុខ | ញ ញឹមអៀនប្រៀន | ញឹកញាប់ជាប់ញាណ |
| ញ៉ាំងញាតិញញើត ។ | ||
| ដ ដាំដោះដូរ | ឋ ឋិតថែគ្រូ | ឌ ឌិនកំណើត |
| ឍ ធនវឌ្ឍនា | ណ នាំគ្នាកើត | នែបនិត្យល្អឆើត |
| នោះនឹងមានន័យ ។ | ||
| ត តបគុណទុក | ថ ថែម៉ែពុក | ទ ទៅមុខថ្ងៃ |
| ធ ធនធំធាត់ | ន នាំនិស្ស័យ | និត្យនៅឋានថ្លៃ |
| និព្វាននាថនាយ ។ | ||
| ប បោះបង់បាប | ផ ផលផ្តល់ឆាប់ | ព ពិតមិនក្លាយ |
| ភ ភោគផលផុស | ម មានសប្បាយ | មូលមិត្តជិតឆ្ងាយ |
| មកមានមេត្តា ។ | ||
| យ យល់គ្នីគ្នា | រ រស់រមនា | ល លះលោភា |
| វ វៀរវិវាទ | ស ស៊ូសិក្សា | ហ ហាមហ៊ឺហា |
| ខ្លាចហិនហោច ។ | ||
| ឡ ឡើងលូតលាស់ | អ អង់អាចអស់ | រស់មានប្រយោជន៍ |
| ប្រយែងប្រយ័ត្ន | ស្អាតបាតមិនខ្លោច | មិនខ្លាចជាខ្មោច |
| ប្រយោជន៍យឺនយូរ ។ | ||
| ព្យញ្ជនៈសាមបី | ខ្ជាក់ធ្លាក់សេចក្តី | មានន័យហៀរហូរ |
| ដូចខ្ជាក់កំណប់ | កប់ពីយារយូរ | គយគន់គិតគូរ |
| គុណគាប់ពេកក្រៃ ។ | ||
| វប្បធម៌ភាសា | សិល្បៈសាសនា | ជាតិជាថ្លាថ្លៃ |
| អាស្រ័យអក្ខរា | ចារឆ្លាក់ខ្ជាក់ន័យ | រួមផ្សំការច្នៃ |
| នៃអ្នកប្រសប់ ។ | ||
| វប្បធម៌រលត់ | សូន្យឈឹងដូចយប់ | ងាយពើបជំពុប |
| ជួបក្តីអន្តរាយ ។ | ||
| ខ្ញុំអ្នកសំណេរ | ខិតខំសរសេរ | មិនថាយប់ថ្ងៃ |
| ប្រឹងប្រែងប្រុងប្រៀប | រៀបចំកែច្នៃ | ផ្ញើជូនចងដៃ |
| ជូនជនរួមជាតិ ។ | ||
| សូមសព្វខេមរា | រួបរួមរក្សា | ការពារកុំឃ្លាត |
| លើកស្ទួយវប្បធម៌ | អក្សរសាស្រ្តជាតិ | ជួយហើយជួយទៀត |
| ជាតិជាក់ជោគជ័យ ៕ |
និពន្ធដោយៈ ព្រះបវរសត្ថា កៅ ពុទ្ធា ជោតញ្ញាណោ
វត្តចាក់អង្រែក្រោម, ថ្ងៃទី២៣ ខែកក្កដា ឆ្នាំ២០០៩
🔸កំណែចុងក្រោយ Last Updated on April 18, 2025 by Johnny ចន្នី
