បំណាច់នឹង…
| បំណាច់នឹងរៀនរៀនអោយចេះ | ក្បង់យកតម្រេះជួយខ្លួនឯង |
| បំណាច់នឹងសេពគួរគិតឈ្វេង | សេពប្រាជ្ញជាក់ស្តែងស្រង់វិជ្ជា ។ |
| បំណាច់នឹងមានអោយមានសីល | ជ្រះអស់មន្ទិលពៀរវេរា |
| មិនសាងទុច្ចរិតលើ ខ៉្នែងអ៊ា1គ្នាឯង | មាននេះល្អជានាមាខ្ពស់ ។ |
| បំណាច់ស្រដីស្តីសមហេតុ | ស្តីនូវប្រភេទនាំអត្ថរស |
| អ្នកផងបានស្តាប់គាប់គ្មានទាស់ | ស្តីពាក្យពិរោះរសខ្លឹមសារ ។ |
| បំណាច់នឹងហុចកុំសូញសាញ | ហុចហើយកុំទាញស្រង់ចុងការ |
| ហុចនេះមិនហៅមានសទ្ធា | ចំពោះញាតិការដោយស្មោះស្ម័គ្រ ។ |
| បំណាច់ចង់ល្អអោយល្អចិត្ត | បេះដូងសុក្រិតឥតអប្បលក្ខណ៍ |
| បំណាច់នៅស្ងៀមចេះស្តាប់ជាក់ | ពិចារណ៍ជ្រៅរាក់ដឹងសេចក្តី ។ |
| បំណាច់នឹងក្រអោយចេះស៊ូ | ព្យាយាមផ្តាច់ប្តូរចាកអវិចី |
| ក្រព្រោះសុចរិតព្រះប្រណី | អ្នកស្រុកប្រុសស្រីគង់យល់ហេតុ ។ |
| បំណាច់នឹងចេះអោយគេកោត | ចែកការពិសោធន៍គ្រប់ប្រភេទ |
| ចេះរៀនចេះស្តាប់ចេះសង្កេត | ចេះដឹងច្រៀកហែកចែកគ្នារៀន ។ |
| បំណាច់ប្រព្រឹត្តអោយសុចរិត | រក្សាសុក្រិតមិនបំពាន |
| គន្លងសីលធម៌ជាធរមាន | ជីវិតច្បាស់មានសុភមង្គល ៕ |
និពន្ធដោយអ្នកស្រី កែវ ច័ន្ទបូរណ៍ Keo, Chanbo
សម្គាល់ៈ
- 1គ្នាឯង
