វត្តខ្មែរនៅទីក្រុងសាន់ ឌីអេហ្គោ រដ្ឋកាលីហ្វ័រនីញ៉ា

ឯកោ វ សេយ្យោ បុរិសោ សបញ្ញោ យោ ភាសិតស្ស វិជានាតិ អត្ថំ

បុរសណាដឹងច្បាស់នូវសេចក្ដីនៃភាសិត បុរសនោះជាអ្នកមានបញ្ញាសូម្បីម្នាក់ឯងក៏គង់ប្រសើរជាង។

បណ្តាំតាមព្យញ្ជនៈ

Posted on January 19, 2018April 18, 2025 by Johnny ចន្នី

ចំនួនទស្សនា: 33

បង្ហោះដោយ:

Johnny ចន្នី

នត្ថិ សន្តិ បរំ សុខំ
សុខដទៃក្រៅពីសេចក្តីស្ងប់ពុំមានឡើយ។

🔸គួរធើ្វនូវបុណ្យទាំងឡាយ ដែលនាំសេចក្ដីសុខមកឲ្យ។

បណ្តាំតាមព្យញ្ជនៈ

បទភុជង្គលីលា

នេះបទភុជង្គលីលា	សូមចាប់ចងជា	ឃ្លោងឃ្លាមួយថ្មី។
បំណងចងក្រងសេចក្តី	ផ្តាំជនប្រុសស្រី	ស្តីតាមព្យញ្ជនៈ ។
សាមសិបបីតួជាធ្នាក់	ផ្សែផ្សំផ្គុំស្រៈ	ស្រាក់ជាឃ្លោងឃ្លា។
ចុងជួនភុជង្គលីលា	កំណាព្យកាព្យា ។	ជូនជាសេចក្តី
ក កើតកំណើតប្រុសស្រី	កាន់កាប់ការអ្វី ។	កុំបីកិច្ចកល់
ខ ខំសន្សំកុសល	ខិតខំខ្វាយខ្វល់	ផ្តល់ផលជាបុណ្យ ។
គ គេងគិតគូរគយគន់	រិះរេរកគុណ	ទុនគង់គប្បី ។
ឃ ឃាត់ចិត្តគិតអប្រិយ	ឃោរឃៅព្រៃផ្សៃ ឃាត់ ។	គប្បីឃាំង
ង កុំងប់ងល់ជ្រុលបទ	ងីងើភ្លើភ្លាត់	ប្រយ័ត្នងាប់ងាយ។
ច ចូរចរចារួសរាយ	ចាត់ចែងចែកចាយ	ឱ្យញាតិចូលចិត្ត ។
ឆ ឆោតកុំចោទបញ្ឆិត	ឆាឆៅផៅមិត្រ ឆា ។	ពិតឆាប់ប្រេះ
ជ ជួយស្ទួយជាតិសាសនា	ជួបជុំញាតិសា	ជាតិជាក់ជោគជ័យ ។
ឈ ឈប់ឈូឆរលើដី	ឈានឈោងលកលៃ	ឈប់បង្ហូរឈាម ។
ញ ញឹមញញែមស្ងប់ស្ងៀម	ញញឹមបែបត្រៀម	ញញើតសន្តាន ។
ដ ដេកដើរដឹងដើមដាន	ដឹងដល់ប្រមាណ	ដឹងឱ្យដល់ដប់ ។
ឋ ឋិតជិតឋានសុខស្ងប់ភ	ថែថួនឱ្យជាប់	ឆាប់បានសួគ៌ឋាន ។
ឌ ឌឺបញ្ឈឺដើមដាន	ដៀមដាមបូរាណ	បាត់បង់ឧត្តម ។
ឍ មានធនធានស្តុកស្តម្ភ	ធូរធារសន្សំ	នាំឱ្យធំធាត់ ។
ណ អ្នកណាមួយអំណត់	អ្នកនោះប្រាកដ	នឹងបានចំណាន ។
ត តបគុណកុំតឹងតាន	តបតាមលំអាន	នឹងបានសុខា ។
ថ ថែរក្សាមេបា	ផលពិតថ្លៃថ្លា	ឋិតថេរយូរយារ ។
ទ ទប់ទោសទាស់ទែងគ្នា	ទៅតាមធម្មា	ទើបជាផូរផង់ ។
ធ ធនធូរធារគង់វង់	ធានាយូរលង់	ព្រោះគ្រងរក្សា ។
ន នាំអ្នកណានឹកនា	នឹកគុណធម្មា	អ្នកនោះនឹងថ្លៃ ។
ប បោសបំបាត់ចង្រៃ	បោះបង់ព្រៃផ្សៃ	បានបុណ្យធំណាស់ ។
ផ ផឹកផិតផាយផ្តេសផ្តាស	ផ្ដេកផ្ដួលចោលផ្ទះ	ជះផលសៅហ្មង ។
‌‌ព ពោលពាក្យពេចន៍ពិតត្រង់	ពូជពង្សផូរផង់	ពេញពិតប្រពៃ ។
ភ ភូតនាំជួបភិតភ័យ	អប្បអន់សំដី	ស្តីគេលែងស្តាប់ ។
ម មានមេត្តាជាទ្រព្យ	មានច្បាប់ទម្លាប់	មិត្តរាប់មូលមីរ ។
យ យល់ស្គាល់តួនាទី	ហើយមិនយាយី	ញក់ញីក្បួនច្បាប់។
រ រស់មានសណ្តាប់ធ្នាប់	រម្យទមសុភាព	រាបទាបរាក់ទាក់ ។
ល លះលោភលន់លួចលាក់	លូកលាន់ឥតល័ក្ខណ៍	ជាក់លឿនលូតលាស់។
វ វាងវិវាទទោសទាស់	វៀរវង្វេងឈ្លោះ	យសនឹងវឌ្ឍនា ។
ស ស៊ូប្តូរនឹងសិក្សា	ស៊ូសព្វសញ្ញា	ប្រាកដសុខសាន្ត ។
ហ ហាត់លត់ពត់ដំប្រាណ	ហ៊ឺហាសាមាន្យអស់ ។	ហាមគ្រប់ទាំង
ឡ ឡើងថ្កើងបុណ្ស័ក្តិយស	សូមកុំឡេះឡោះ	នោះមិនល្អឡើយ ។
អ ឱនលំទោនអង្គអើយ	បើអង់អាចហើយ	អង្គកុំអួតអាង ។
ក ខ គ ឃ ឈរតាង	ទុកជាតំណាង	តាងជាបណ្តាំ ។
បំណងប៉ុនប៉ងផ្តែផ្តាំ	ចំណុចចុចចាំ	ចំណាំព្យញ្ជនៈ ។
ផ្សែផ្សំផ្គួបផ្គុំផ្តុំស្រៈ	ចែកជាឃ្លាវគ្គ	ជាក់ជាមានន័យ ។
ជួយជាជំនួយស្មារតី	ជូនជនប្រុសស្រី	លៃតាមចំណេះ ។
ចំណារចារមកប៉ុណ្ណេះ	សូមសង្ខេបស្លេះ	ចប់ប៉ុណ្ណេះហោង ៕