សំដី
| សំដីមួយម៉ាត់មានន័យរាប់ម៉ែត្រ | ប្រាប់អស់រឿងហេតុនាំនូវដំណឹង |
| សំដីនិយាយប្រាយមិនបាច់ប្រឹង | ន័យលាតសន្ធឹងឆ្ងាយដល់ជើងមេឃ ។ |
| សំដីស្តីល្អជាតិចរចំរើន | សំដីខ្លៅច្រើននាំនូវសង្វេគ |
| សំដីអសុរសនាំមោហ៍អនេក | សំដីអួតប្លែកញាតិវែកចំអក ។ |
| បំណាច់នឹងហារ ស្វែងពាក្យពិរោះ | មានន័យអត្ថរសកុំអោយស្តីខក |
| អាណិតមុខមាត់អ្នកស្តីស្ពាយត្រក | ខ្សំដីហួសខកបាក់មុខនរណា? ។ |
| សំដីជាម៉ែត្រនៃការចេះដឹង | បំណាច់នឹងប្រឹងស្រដីវាចា |
| និយាយពាក្យថ្លៃន័យវិញពិស្តារ | ញាតិស្តាប់កាលណាបានសារប្រយោជន៍ ៕ |
និពន្ធដោយៈ អ្នកស្រី កែវ ច័ន្ទបូរណ៍ Keo, Chanbo
