អត្ថបទនមស្ការ បាលីប្រែ

ប្រែថាៈ នមោ មេ សព្វពុទ្ធានំ ឧប្បន្នានំ មហេសិនំ ។ ខ្ញុំព្រះករុណា សូមក្រាបថ្វាយបង្គំ ចំពោះព្រះពុទ្ធជាម្ចាស់គ្រប់ព្រះអង្គ ដែលបាន ត្រាស់រួចមកហើយ ព្រះអង្គស្វែងរកនូវគុណដ៏ធំ (ព្រះសម្ពុទ្ធទាំងនោះគឺ) ។ តណ្ហង្ករោ មហាវីរោ ព្រះតណ្ហង្ករ ព្រះអង្គមានព្យាយាមធំ ។

មេធង្ករោ មហាយសោ ព្រះមេធង្ករ ព្រះអង្គមានយសធំ ។

សរណង្ករោ លោកហិតោ ព្រះសរណង្ករ ព្រះអង្គធ្វើឱ្យជា ប្រយោជន៍ដល់សត្វលោក ។

ទីបង្ករោ ជុតិន្ធរោ ព្រះទីបង្ករ ព្រះអង្គទ្រទ្រង់នូវបញ្ញាដ៏រុងរឿង ។

កោណ្ឌញ្ញោ ជនបាមោក្ខោ ព្រះកោណ្ឌញ្ញៈ ព្រះអង្គជាប្រធាន នៃពពួកជន ។

មង្គលោ បុរិសាសភោ ព្រះមង្គល ព្រះអង្គជាបុរសដ៏ប្រសើរ ។

សុមនោ សុមនោ ធីរោ ព្រះសុមនៈ ព្រះអង្គជាអ្នកប្រាជ្ញ មានព្រះហឫទ័យដ៏ល្អ ។

រេវតោ រតិវឌ្ឍនោ ព្រះរេវតៈ ព្រះអង្គញ៉ាំងសេចក្តីត្រេកអរឱ្យចំរើន ។

សោភិតោ គុណសម្បន្នោ ព្រះសោភិតៈ ព្រះអង្គបរិបូណ៌ដោយ ព្រះគុណ ។

អនោមទស្សី ជនុត្តមោ ព្រះអនោមទស្សី ព្រះអង្គឧត្តមជាងពពួកជន ។

បទុមោ លោកបជ្ជោតោ ព្រះបទុមៈ ព្រះអង្គញ៉ាំងលោកឱ្យភ្លឺស្វាង។

នារទោ វរសាថី ព្រះនារទៈ ព្រះអង្គដូចជាសារថីដ៏ប្រសើរ ។

បទុមុត្តរោ សត្តសារោ ព្រះបទុមុត្តរៈ ព្រះអង្គជាខ្លឹមសារនៃពួកសត្វ ។

សុមេធោ អប្បដិបុគ្គលោ ព្រះសុមេធៈ ព្រះអង្គរកបុគ្គលប្រៀប ដូចគ្មាន ។

សុជាតោ សព្វលោកគ្គោ ព្រះសុជាត ព្រះអង្គប្រសើរលើស ជាង សត្វលោកទាំងពួង ។

បិយទស្សី នរាសភោ ព្រះបិយទស្សី ព្រះអង្គប្រសើរជាងនរជន ។

អត្ថទស្សី ការុណិកោ ព្រះអត្ថទស្សី ព្រះអង្គប្រកបដោយករុណា ។

ធម្មទស្សី តមោនុទោ ព្រះធម្មទស្សី ព្រះអង្គបន្ទោបង់នូវងងឹត ។

សិទ្ធត្ថោ អសមោ លោកេ ព្រះសិទ្ធត្ថៈ ព្រះអង្គឥតមានអ្នកណា ស្មើក្នុងលោក ។

តិស្សោ ច វទតំ វរោ ព្រះតិស្សៈ ព្រះអង្គប្រសើរជាងអ្នកប្រាជ្ញ ខាង សំដីទាំងឡាយ ។

ផុស្សោ ច វរទោ ពុទ្ធោ ព្រះពុទ្ធទ្រង់ព្រះនាមផុស្ស ព្រះអង្គប្រទាននូវ ធម៌ដ៏ប្រសើរ ។

វិបស្សី ច អនូបមោ ព្រះវិបស្សី ព្រះអង្គឥតមានអ្នកណា ប្រៀបផ្ទឹម បានឡើយ ។

សិខី សព្វហិតោ សត្ថា ព្រះសិខី ព្រះអង្គជាគ្រូប្រៀនប្រដៅ ធ្វើឱ្យ ជាប្រយោជន៍ ដល់សត្វទាំងពួង ។

វេស្សភូ សុខទាយកោ ព្រះវេស្សភូ ព្រះអង្គប្រទាននូវសេចក្តីសុខ ។

កកុសន្ធោ សត្តវាហោ ព្រះកក្កុសន្ធៈ ព្រះអង្គនាំសត្វចេញចាកផ្លូវ ឆ្ងាយដាច់ស្រយាល គឺកិលេស ។

កោនាគមនោ រណញ្ជោហា ព្រះកោនាគមនៈ ព្រះអង្គបំបាក់នូវ សត្រូវគឺកិលេស ។

កស្សបោ សិរិសម្បន្នោ ព្រះកស្សបៈ ព្រះអង្គបរិបូណ៌ដោយសិរី ។

គោតមោ សក្យបុង្គវោ ព្រះគោតម ព្រះអង្គប្រសើរចម្បងជាងពួក សក្យរាជ ។

ឯតេ ចញ្ញេ ច សម្ពុទ្ធា អនេកសតកោដិយោ ព្រះសម្ពុទ្ធទាំង នុ៎ះផង ព្រះសម្ពុទ្ធទាំងឡាយអង្គឯណាផង ច្រើនជាងរយកោដិ ។

សព្វេ ពុទ្ធា អសមសសមា សព្វេ ពុទ្ធា មហិទ្ធិកា ព្រះពុទ្ធ ទាំងឡាយគ្រប់អង្គនោះ សុទ្ធតែស្មើដោយព្រះពុទ្ធដូចគ្នា ឥតមានបុគ្គលណា មួយស្មើឡើយ ព្រះសម្ពុទ្ធទាំងឡាយ គ្រប់ព្រះអង្គនោះ សុទ្ធតែមានឫទ្ធិច្រើន ។

សព្វេ ទសពលូបេតា វេសារជ្ជេហុបាគតា ព្រះសម្ពុទ្ធទាំងឡាយ គ្រប់ព្រះអង្គនោះ សុទ្ធតែប្រកបដោយទសពលញ្ញាណ និងប្រកបដោយវេសារ- ជ្ជញ្ញាណទាំងឡាយ ។

សព្វេ តេ បដិជានន្តិ អាសភណ្ឋានមុត្តមំ ព្រះសម្ពុទ្ធទាំងឡាយ គ្រប់ព្រះអង្គនោះ សុទ្ធតែត្រាស់ដឹងនូវធម៌ជាទីតាំងដ៏ខ្ពង់ខ្ពស់ គឺព្រះសព្វញ្ញុត្តញ្ញាណ ដ៏ឧត្តម ។

សីហនាទំ នទន្តេ តេ បរិសាសុ វិសារទា ព្រះសម្ពុទ្ធទាំងឡាយ នោះ ព្រះអង្គក្លៀវក្លាបន្លឺនូវសីហនាថ គឺព្រះសូរសម្លេងដ៏ប្រសើរ ក្នុងពពួកនៃ បរិស័ទ ។

ព្រហ្មចក្កំ បវត្តេន្តិ លោកេ អប្បដិវត្តិយំ ព្រះអង្គត្រាស់សំដែង នូវព្រះធម៌ ដូចជាចក្កដ៏ប្រសើរ ដែលឥតមានអ្នកណាមួយ ឱ្យប្រព្រឹត្តទៅក្នុង លោកបានឡើយ ។

ឧបេតា ពុទ្ធធម្មេហិ អដ្ឋារសហិ នាយកា ព្រះអង្គប្រកប ដោយពុទ្ធធម៌ទាំងឡាយ១៨ ព្រះអង្គជានាយកដឹកនាំសត្វចេញចាកសំសារវដ្ត ។

ទ្វត្តឹសលក្ខណូបេតា សីតានុព្យញ្ជនាធរា ព្រះអង្គប្រកប ដោយមហាបុរិសលក្ខណៈ៣២ប្រការ ព្រមទាំងទ្រទ្រង់នូវអនុព្យញ្ជនៈ៨០គត់ ។

ព្យាមប្បភាយ សុប្បភា សព្វេ តេ មុនិកុញ្ជរា ព្រះសម្ពុទ្ធ ទាំងឡាយគ្រប់ព្រះអង្គនោះ សុទ្ធតែជាអ្នកប្រាជ្ញដ៏ប្រសើរ ទ្រង់មានរស្មីដ៏ល្អ ដោយរស្មីមានមណ្ឌលមួយព្យាម (ម្ខាង) ។

ពុទ្ធា សព្វញ្ញុនោ ឯតេ សព្វេ ខីណាសវា ជិនា ព្រះពុទ្ធ ទាំងឡាយគ្រប់ព្រះអង្គនោះ សុទ្ធតែជាព្រះសព្វញ្ញូអស់អាសវៈហើយ ឈ្នះ ហើយ (នូវបញ្ចពិធមារ ) ។

មហប្បភា មហាតេជា មហាបញ្ញា មហព្វលា ព្រះអង្គមាន រស្មីច្រើន មានតេជៈច្រើន មានប្រាជ្ញាច្រើន មានកម្លាំងច្រើន ។

មហាការុណិកា ធីរា សព្វេសានំ សុខាវហា ព្រះអង្គជាអ្នក ប្រាជ្ញ មានសេចក្តីករុណាច្រើន នាំមកនូវសេចក្តីសុខ ដើម្បីសព្វសត្វទាំងឡាយ

ទីបា នាថា បតិដ្ឋា ច តាណា លេណា ច បាណិនំ ព្រះអង្គជាទីពឹង ជាទីអាស្រ័យ ដូចជាកោះ ជាទីជ្រកកោន ជាទីពួនរបស់សត្វ ទាំងឡាយ ។

គតី ពន្ធូ មហស្សាសា សរណា ច ហិតេសិនោ សទេវកស្ស លោកស្ស សព្វេ ឯតេ បរាយនា ព្រះសម្ពុទ្ធទាំងឡាយ គ្រប់ព្រះអង្គនោះ ដូចជាផ្លូវ ជាផៅពង្ស ជាទីត្រេកអរច្រើន និងជាទីពឹងទីរឮក ព្រះអង្គស្វែងរកប្រយោជន៍ ជាទីប្រព្រឹត្តទៅក្នុងខាងមុខ របស់សត្វលោក ព្រមទាំងទេវលោក ។

តេសាហំ សិរសា បាទេ វន្ទាមិ បុរិសុត្តមេ ខ្ញុំព្រះករុណា សូមក្រាបថ្វាយបង្គំដោយត្បូង ចំពោះព្រះបាទទាំងឡាយនៃព្រះសម្ពុទ្ធទាំងនោះ ។

វចសា មនសា ចេវ វន្ទាមេតេ តថាគតេ សយនេ អាសនេ ថានេ គមនេ ចាបិ សព្វទា ក្នុងឥរិយបថដេកក្តី អង្គុយក្តី ឈរក្តី សូម្បីក្នុងឥរិយាបថដើរក្តី ខ្ញុំព្រះករុណា សូមក្រាបថ្វាយបង្គំដោយវាចា និងចិត្ត សព្វៗកាល ចំពោះព្រះតថាគតទាំងឡាយនោះ ។

សទា សុខេន រក្ខន្តុ ពុទ្ធា សន្តិករា តុវំ ព្រះសម្ពុទ្ធទាំងឡាយ ព្រះអង្គជាអ្នកធ្វើនូវសេចក្តីរម្ងាប់ សូមរក្សានូវអ្នកដោយសេចក្តីសុខ សព្វៗកាល ។

តេហិ ត្វំ រក្ខិតោ សន្តោ មុត្តោ សព្វភយេន ច ខ្លួនអ្នកកាល បើព្រះសម្ពុទ្ធទាំងឡាយនោះ ទ្រង់រក្សាហើយ ចូរជាអ្នកស្ងប់រម្ងាប់ផង ចូររួច ចាកភ័យទាំងពួងផង ។

សព្វរោគវិនិមុត្តោ សព្វសន្តាបវជ្ជិតោ សព្វវេរមតិក្កន្តោ និព្វុតោ ច តុវំ ភវ សូមឱ្យអ្នកជាបុគ្គលផុតចាករោគទាំងពួង ជាអ្នកចៀស ចាកសេចក្តីក្តៅក្រហាយទាំងពួងផង ជាអ្នកកន្លងបង់នូវពៀរទាំងពួងផង ជាអ្នក រលត់ទុក្ខព្រួយផង ។

តេសំ សច្ចេន សីលេន ខន្តិមេត្តាពលេន ច ដោយសច្ចៈផង ដោយសីលផង ដោយកម្លាំងនៃខន្តី និងមេត្តាផង នៃព្រះពុទ្ធទាំងឡាយនោះ ។

តេបិ តុម្ហេ អនុរក្ខន្តុ អារោគ្យេន សុខេន ច ព្រះសម្មាសម្ពុទ្ធ ទាំងឡាយនោះ សូមបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តីសុខផង ។

បុរត្ថិមស្មឹ ទិសាភាគេ សន្តិ ភូតា មហិទ្ធិកា ភូតគឺគន្ធព្វ ទាំងឡាយ មានឫទ្ធិច្រើន មានក្នុងទិសាភាគខាងកើត ។

តេបិ តុម្ហេ អនុរក្ខន្តុ អារោគ្យេន សុខេន ច  គន្ធព្វទាំងឡាយ នោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តី សុខផង ។

ទក្ខិណស្មឹ ទិសាភាគេ សន្តិ ទេវា មហិទ្ធិកា ទេវតា ទាំងឡាយ មានឫទ្ធិច្រើន មានក្នុងទិសាភាគខាងត្បូង ។

តេបិ តុម្ហេ អនុរក្ខន្តុ អារោគ្យេន សុខេន ច ទេវតាទាំងឡាយ នោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តី សុខផង ។

បច្ឆិមស្មឹ ទិសាភាគេ សន្តិ នាគា មហិទ្ធិកា នាគទាំងឡាយ មានឫទ្ធិច្រើន មានក្នុងទិសាភាគខាងលិច ។

តេបិ តុម្ហេ អនុរក្ខន្តុ អារោគ្យេន សុខេន ច នាគទាំងឡាយនោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តីសុខ ផង ។

ឧត្តរស្មឹ ទិសាភាគេ សន្តិ យក្ខា មហិទ្ធិកា យក្ខទាំងឡាយ នោះ មានឫទ្ធិច្រើន មានក្នុងទិសាភាគខាងជើង ។

តេបិ តុម្ហេ អនុរក្ខន្តុ អារោគ្យេន សុខេន ច យក្ខទាំងឡាយ នោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តី សុខផង ។

បុរិមទិសំ ធតរដ្ឋោ ស្តេចធតរដ្ឋៈ (នៅរក្សា) ខាងបុរិមទិស ។

ទក្ខិណេន វិរុឡ្ហកោ ស្តេចវិរុឡ្ហកៈ (នៅរក្សា) ខាងទក្ខិណទិស ។

បច្ឆិមេន វិរូបក្ខោ ស្តេចវិរូបក្ខៈ (នៅរក្សា) ខាងបច្ឆិមទិស ។

កុវេរោ ឧត្តរំ ទិសំ ស្តេចកុវេរៈ (នៅរក្សា) ខាងឧត្តរទិស ។

ចត្តារោ តេ មហារាជា លោកបាលា យសស្សិនោ មហារាជទាំងឡាយ ៤ នោះ សុទ្ធតែមានយស ជាអ្នករក្សានូវលោក ។

តេបិ តុម្ហេ អនុរក្ខន្តុ អារោគ្យេន សុខេន ច មហារាជទាំងឡាយ នោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តី សុខផង ។

អាកាសដ្ឋា ច ភុម្មដ្ឋា ទេវា នាគា មហិទ្ធិកា ទេវតា និងនាគទាំងឡាយ មានឫទ្ធិច្រើន ដែលស្ថិតនៅក្នុងអាកាសក្តី ស្ថិតនៅផែនដីក្តី ។

តេបិ តុម្ហេ អនុរក្ខន្តុ អារោគ្យេន សុខេន ច ទេវតានិងនាគ ទាំងឡាយនោះ ចូរបីបាច់រក្សានូវអ្នកទាំងឡាយ ដោយមិនឱ្យមានរោគផង ឱ្យមានសេចក្តីសុខផង ។

(ក្រាបថ្វាយបង្គំម្តង)

☸️🔸🙏🔸☸️

ប្រែថាៈ ឥតិបិ ទានបារមីសម្បន្នោ សោ ភគវា ព្រះដ៏មាន     ព្រះភាគអង្គនោះ ទ្រង់បរិបូណ៌ហើយ ដោយទានបារមី ។

ឥតិបិ ទានឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយទានឧបបារមី ។

ឥតិបិ ទានបរមត្ថបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយទានបរមត្ថបារមី ។

ឥតិបិ សីលបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសីលបារមី ។

ឥតិបិ សីលឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសីលឧបបារមី ។

ឥតិបិ សីលបរមត្ថបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសីលបរមត្ថបារមី ។

ឥតិបិ នេក្ខម្មបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយនេក្ខម្មបារមី ។

ឥតិបិ នេក្ខម្មឧបបារមីសម្បន្នោ សោ ភគវា ព្រះដ៏មាន ព្រះភាគអង្គនោះ ទ្រង់បរិបូណ៌ហើយ ដោយនេក្ខម្មឧបបារមី ។

ឥតិបិ នេក្ខម្មបរមត្ថ- បារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់ បរិបូណ៌ហើយ ដោយនេក្ខម្មបរមត្ថបារមី ។

ឥតិបិ បញ្ញាបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយបញ្ញាបារមី ។

ឥតិបិ បញ្ញាឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយបញ្ញាឧបបារមី ។

ឥតិបិ បញ្ញាបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយបញ្ញាបរមត្ថបារមី ។

ឥតិបិ វិរិយបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយវិរិយបារមី ។

ឥតិបិ វិរិយឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយវិរិយឧបបារមី ។

ឥតិបិ វិរិយបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយវិរិយបរមត្ថបារមី ។

ឥតិបិ ខន្តិបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយខន្តិបារមី ។

ឥតិបិ ខន្តិឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយខន្តិឧបបារមី ។

ឥតិបិ ខន្តិបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយខន្តិបរមត្ថបារមី ។

ឥតិបិ សច្ចបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសច្ចបារមី ។

ឥតិបិ សច្ចឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសច្ចឧបបារមី ។

ឥតិបិ សច្ចបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយសច្ចបរមត្ថបារមី ។

ឥតិបិ អធិដ្ឋានបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយអធិដ្ឋានបារមី ។

ឥតិបិ អធិដ្ឋានឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយអធិដ្ឋាន ឧបបារមី ។

ឥតិបិ អធិដ្ឋានបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយអធិដ្ឋានបរមត្ថបារមី ។

ឥតិបិ មេត្តាបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយមេត្តាបារមី ។

ឥតិបិ មេត្តាឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយមេត្តាឧបបារមី ។

ឥតិបិ មេត្តាបរមត្ថបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយមេត្តាបរមត្ថ បារមី ។

ឥតិបិ ឧបេក្ខាបារមីសម្បន្នោ សោ ភគវា ព្រះដ៏មាន ព្រះភាគអង្គនោះ ទ្រង់បរិបូណ៌ហើយ ដោយឧបេក្ខាបារមី ។

ឥតិបិ ឧបេក្ខាឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយឧបេក្ខាឧបបារមី ។

ឥតិបិ ឧបេក្ខាបរមត្ថ- បារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ ហើយ ដោយឧបេក្ខាបរមត្ថបារមី ។

ឥតិបិ ទសបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយទសបារមី ។

ឥតិបិ ទសឧបបារមីសម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយទសឧបបារមី ។

ឥតិបិ ទសបរមត្ថបារមី- សម្បន្នោ សោ ភគវា ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយទសបរមត្ថបារមី ។

ឥតិបិ សមតឹសបារមីសម្បន្នោ សោ ភគវាតិ ព្រះដ៏មានព្រះភាគអង្គនោះ ទ្រង់បរិបូណ៌ហើយ ដោយបារមី ៣០ ប្រការយ៉ាងនេះឯង ៕

(ក្រាបថ្វាយបង្គំម្តង)

☸️🔸🙏🔸☸️