🔸Last Updated កំណែចុងក្រោយ on August 15, 2024
រតនត្តយបូជា
(ថ្វាយគ្រឿងសក្ការៈដល់ព្រះរតនត្រ័យ)
ឥមេហិ ទីបធូបាទិសក្ការេហិ ពុទ្ធំ ធម្មំ សង្ឃំ អភិបូជយាមិ មាតាបិតាទីនំ គុណវន្តានញ្ច មយ្ហញ្ច ទីឃរត្តំ អត្ថាយ ហិតាយ សុខាយ ៕
(ក្រាបថ្វាយបង្គំម្តង)
☸️🔸🙏🔸☸️
ពុទ្ធរតនប្បណាម
(ថ្វាយបង្គំព្រះពុទ្ធរតនៈ)
នមោ តស្ស ភគវតោ អរហតោ សម្មាសម្ពុទ្ធស្ស ។
នមោ តស្ស ភគវតោ អរហតោ សម្មាសម្ពុទ្ធស្ស ។
នមោ តស្ស ភគវតោ អរហតោ សម្មាសម្ពុទ្ធស្ស ។
(ក្រាបថ្វាយបង្គំម្តង)
☸️🔸🙏🔸☸️
ពុទ្ធរតនប្បណាម
(ថ្វាយបង្គំព្រះពុទ្ធរតនៈ)
យោ សន្និសិន្នោ វរពោធិមូលេ
មារំ សសេនំ មហតឹ វិជេយ្យោ
សម្ពោធិមាគច្ឆិ អនន្តញាណោ
លោកុត្តមោ តំ បនមាមិ ពុទ្ធំ ។
| យេ ច ពុទ្ធា អតីតា ច | យេ ច ពុទ្ធា អនាគតា |
| បច្ចុប្បន្នា ច យេ ពុទ្ធា | អហំ វន្ទាមិ សព្វទា ។ |
(ក្រាបថ្វាយបង្គំម្តង)
☸️🔸🙏🔸☸️
ឥតិបិ សោ ភគវា អរហំ សម្មាសម្ពុទ្ធោ វិជ្ជាចរណ សម្បន្នោ សុគតោ លោកវិទូ អនុត្តរោ បុរិសទម្មសារថិ សត្ថា ទេវមនុស្សានំ ពុទ្ធោ ភគវាតិ ។
| នត្ថិ មេ សរណំ អញ្ញំ | ពុទ្ធោ មេ សរណំវរំ |
| ឯតេន សច្ចវជ្ជេន | ហោតុ មេ ជយមង្គលំ |
| ឧត្តមង្គេន វន្ទេហំ | បាទបំសុំ វរុត្តមំ |
| ពុទ្ធេយោ ខលិតោ ទោសោ | ពុទ្ធោ ខមតុ តំ មមំ ។ |
(ក្រាបថ្វាយបង្គំម្តង)
☸️🔸🙏🔸☸️
ធម្មរតនប្បណាម
(ថ្វាយបង្គំព្រះធម្មរតនៈ)
អដ្ឋង្គិការិយបថោ ជនានំ
មោក្ខប្បវេសាយ ឧជូ ច មគ្គោ
ធម្មោ អយំ សន្តិករោ បណីតោ
និយ្យានិកោ តំ បនមាមិ ធម្មំ ។
| យេ ច ធម្មា អតីតា ច | យេ ច ធម្មា អនាគតា |
| បច្ចុប្បន្នា ច យេ ធម្មា | អហំ វន្ទាមិ សព្វទា ។ |
(ក្រាបថ្វាយបង្គំម្តង)
☸️🔸🙏🔸☸️
ស្វាក្ខាតោ ភគវតា ធម្មោ សន្ទិដ្ឋិកោ អកាលិកោ ឯហិបស្សិកោ ឱបនយិកោ បច្ចត្តំ វេទិតព្វោ វិញ្ញូហីតិ។
| នត្ថិ មេ សរណំ អញ្ញំ | ធម្មោ មេ សរណំ វរំ |
| ឯតេន សច្ចវជ្ជេន | ហោតុ មេ ជយមង្គលំ ។ |
| ឧត្តមង្គេន វន្ទេហំ | ធម្មញ្ច ទុវិធំ វរំ |
| ធម្មេ យោ ខលិតោ ទោសោ | ធម្មោ ខមតុ តំ មមំ ។ |
(ក្រាបថ្វាយបង្គំម្តង)
☸️🔸🙏🔸☸️
សង្ឃរតនប្បណាម
(ថ្វាយបង្គំព្រះសង្ឃរតនៈ)
សង្ឃោ វិសុទ្ធោ វរទក្ខិណេយ្យោ
សន្តិន្ទ្រិយោ សព្វមលប្បហីនោ
គុណេហិនេកេហិ សមិទ្ធិបត្តោ
អនាសវោ តំ បនមាមិ សង្ឃំ ។
| យេ ច សង្ឃា អតីតា ច | យេ ច សង្ឃា អនាគតា |
| បច្ចុប្បន្នា ច យេ សង្ឃា | អហំ វន្ទាមិ សព្វទា ។ |
(ក្រាបថ្វាយបង្គំម្តង)
☸️🔸🙏🔸☸️
សុបដិបន្នោ ភគវតោ សាវកសង្ឃោ ឧជុបដិបន្នោ ភគវតោ សាវកសង្ឃោ ញាយបដិបន្នោ ភគវតោ សាវកសង្ឃោ សាមីចិបដិបន្នោ ភគវតោ សាវកសង្ឃោ យទិទំ ចត្តារិ បុរិសយុគានិ អដ្ឋ បុរិសបុគ្គលា ឯស ភគវតោ សាវកសង្ឃោ អាហុនេយ្យោ បាហុនេយ្យោ ទក្ខិណេយ្យោ អញ្ជលិករណីយោ អនុត្តរំ បុញ្ញក្ខេត្តំ លោកស្សាតិ ។
| នត្ថិ មេ សរណំ អញ្ញំ | សង្ឃោ មេ សរណំ វរំ |
| ឯតេន សច្ចវជ្ជេន | ហោតុ មេ ជយមង្គលំ ។ |
| ឧត្តមង្គេន វន្ទេហំ | សង្ឃញ្ច ទុវិធំ វរំ |
| សង្ឃេ យោ ខលិតោ ទោសោ | សង្ឃោ ខមតុ តំ មមំ ។ |
(ក្រាបថ្វាយបង្គំម្តង)
☸️🔸🙏🔸☸️
នមស្ការព្រះរតនត្រ័យ
យោ កប្បកោដីហិបិ អប្បមេយ្យំ កាលំ ករោន្តោ អតិទុក្ករានិ ខេទំ គតោលោកហិតាយ នាថោ នមោ មហាការុណិកស្ស តស្ស ។
អសម្ពុទ្ធំ ពុទ្ធនិសេវិតំ យំ ភវាភវំ គច្ឆតិ ជីវលោកោ នមោ អវិជ្ជាទិកិលេសជាលំ វិទ្ធំសិនោ ធម្មវរស្ស តស្ស ។
គុណេហិ យោ សីលសមាធិបញ្ញា វិមុត្តិញាណប្បភុតីហិ យុត្តោ ខេត្តញ្ជនានំ កុសលត្ថិកានំ តមរិយសង្ឃំ សិរសា នមាមិ ៕
(ក្រាបថ្វាយបង្គំម្តង)
☸️🔸🙏🔸☸️
ថ្វាយបង្គំសុំសេចក្តីសុខ
| ឥច្ចេវមច្ចន្ត | នមស្សនេយ្យំ |
| នមស្សមានោ | រតនត្តយំ យំ |
| បុញ្ញាភិសន្ទំ | វិបុលំ អលត្ថំ |
| តស្សានុភាវេន | ហតន្តរាយោ ៕ |
(ក្រាបថ្វាយបង្គំម្តង)
☸️🔸🙏🔸☸️
នមស្ការបូជនីយវត្ថុជាទីគោរព
| វន្ទាមិ ចេតិយំ សព្វំ | សព្វដ្ឋានេសុ បតិដ្ឋិតំ |
| សារីរិកធាតុ មហាពោធឹ | ពុទ្ធរូបំ សកលំ សទា ៕ |
(ក្រាបថ្វាយបង្គំម្តង)
☸️🔸🙏🔸☸️
នមស្ការ ពុទ្ធបាទ
| វន្ទាមិពុទ្ធំ | ភវបារតិណ្ណំ |
| តិលោកកេតុំ | តិភវេកនាថំ |
| យោ លោកសេដ្ឋោ | សកលំ កិលេសំ |
| ឆេត្វាន ពោធេសិ | ជនំ អនន្តំ ។ |
| យំ នម្មទាយ នទិយា | បុលិនេ ច តីរេ |
| យំ សច្ចពន្ធគិរិកេ | សុមនា ច លគ្គេ |
| យំ តត្ថ យោនកបុរេ | មុនិនោ ច បាទំ |
| តំ បាទលញ្ចនមហំ | សិរសា នមាមិ ។ |
| សុវណ្ណមាលិកេ | សុវណ្ណបព្វតេ |
| សុមនកូដេ | យោនកបុរេ |
| នម្មទាយ នទិយា | បញ្ចបាទវរំ |
| ឋានំ អហំ | វន្ទាមិ ទូរតោ ៕ |
(ក្រាបថ្វាយបង្គំម្តង)
☸️🔸🙏🔸☸️
សត្តមហាឋាន
បទបឋ្យាវត្ត
| បឋមំ ពោធិបល្លង្កំ | ទុតិយំ អនិមិស្សកំ |
| តតិយំ ចង្កមំ សេដ្ឋំ | ចតុត្ថំ រតនាឃរំ ។ |
| បញ្ចមំ អជ្ជបាលញ្ច | មុច្ចលិន្ទេន ឆដ្ឋមំ |
| សត្តមំ រាជាយតនំ | សត្តាហំ មុនី សេវិតំ ។ |
| ឯតេ សត្ត មហាឋានា | ជម្ពូទីបេ បតិដ្ឋិតា |
| យំ សច្ចពន្ធគិរិកេ | សុមនា ច លគ្គេ |
| យំ តត្ថ យោនកបុរេ | មុនិនោ ច បាទំ |
| បូជិតា នរទេវេហិ | អហំ វន្ទាមិ ទូរតោ ៕ |
(ក្រាបថ្វាយបង្គំម្តង)
☸️🔸🙏🔸☸️
អដ្ឋមហាឋាន
បទបឋ្យាវត្ត
| បឋមំ លុម្ពិនីជាតំកំ | ទុតិយំ ពោធិមុត្តមំ |
| តតិយំ ធម្មចក្កញ្ច | ចតុត្ថំ បាលិលេយ្យកំ ។ |
| បញ្ចមំ ច នាឡាគិរី | ឆដ្ឋមំ បាដិហារិយំ |
| សត្តមំ សិរិទេវិញ្ច | អដ្ឋមំ បរិនិព្វុតំ ។ |
| ឯតេ អដ្ឋ មហាឋានា | ជម្ពូទីបេ បតិដ្ឋិតា |
| បូជិតា នរទេវេហិ | អហំ វន្ទាមិ ទូរតោ ៕ |
ទសជាតិ១០
| តេមិយោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| មហាជនកោ ពោធិសត្តោច | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| សុវណ្ណសាមោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| នេមិរាជានោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| មហោសថោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| ភូរិទត្តោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| ចន្ទកុមារោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| ព្រហ្មនារទោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| វិធូរោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| វេស្សន្តរោ ពោធិសត្តោ | នាម ភគវា ចិត្តំ |
| វតកំ អារម្មណំ ត្វំ បិ | ពុទ្ធោ មេ ភវិស្សតិ |
| កុសលធម្មេ សម្មាសម្ពុទ្ធោ | ឥតិបិសោ ភគវា ។ |
| សិទ្ធត្ថោ ជាតិ នាម បរិយន្តំ | ពុទ្ធំសរណំ គច្ឆាមិ |
| ធម្មំ សរណំ គច្ឆាមិ | សង្ឃំ សរណំ គច្ឆាមិ |
| ទសជាតោ | និដ្ឋិតោ ៕ |
(ក្រាបថ្វាយបង្គំម្តង)
☸️🔸🙏🔸☸️
ទសបារមី (បារមី១០)
| ឥតិបិ | ទានបារមីសម្បន្នោ | សោ ភគវា |
| ឥតិបិ | ទានឧបបារមីសម្បន្នោ | សោ ភគវា |
| ឥតិបិ | ទានបរមត្ថបារមីសម្បន្នោ | សោ ភគវា |
| ឥតិបិ | សីលបារមីសម្បន្នោ | សោ ភគវា |
| ឥតិបិ | សីលឧបបារមីសម្បន្នោ | សោ ភគវា |
| ឥតិបិ | សីលបរមត្ថបារមីសម្បន្នោ | សោ ភគវា |
| ឥតិបិ | នេក្ខម្មបារមីសម្បន្នោ | សោ ភគវា |
| ឥតិបិ | នេក្ខម្មឧបបារមីសម្បន្នោ | សោ ភគវា |
| ឥតិបិ | នេក្ខម្មបរមត្ថបារមីសម្បន្នោ | សោ ភគវា |
| ឥតិបិ | បញ្ញាបារមីសម្បន្នោ | សោ ភគវា |
| ឥតិបិ | បញ្ញាឧបបារមីសម្បន្នោ | សោ ភគវា |
| ឥតិបិ | បញ្ញាបរមត្ថបារមីសម្បន្នោ | សោ ភគវា |
| ឥតិបិ | វិរិយបារមីសម្បន្នោ | សោ ភគវា |
| ឥតិបិ | វិរិយឧបបារមីសម្បន្នោ | សោ ភគវា |
| ឥតិបិ | វិរិយបរមត្ថបារមីសម្បន្នោ | សោ ភគវា |
| ឥតិបិ | ខន្តិបារមីសម្បន្នោ | សោ ភគវា |
| ឥតិបិ | ខន្តិឧបបារមីសម្បន្នោ | សោ ភគវា |
| ឥតិបិ | ខន្តិបរមត្ថបារមីសម្បន្នោ | សោ ភគវា |
| ឥតិបិ | សច្ចបារមីសម្បន្នោ | សោ ភគវា |
| ឥតិបិ | សច្ចឧបបារមីសម្បន្នោ | សោ ភគវា |
| ឥតិបិ | សច្ចបរមត្ថបារមីសម្បន្នោ | សោ ភគវា |
| ឥតិបិ | អធិដ្ឋានបារមីសម្បន្នោ | សោ ភគវា |
| ឥតិបិ | អធិដ្ឋានឧបបារមីសម្បន្នោ | សោ ភគវា |
| ឥតិបិ | អធិដ្ឋានបរមត្ថបារមីសម្បន្នោ | សោ ភគវា |
| ឥតិបិ | មេត្តាបារមីសម្បន្នោ | សោ ភគវា |
| ឥតិបិ | មេត្តាឧបបារមីសម្បន្នោ | សោ ភគវា |
| ឥតិបិ | មេត្តាបរមត្ថបារមីសម្បន្នោ | សោ ភគវា |
| ឥតិបិ | ឧបេក្ខាបារមីសម្បន្នោ | សោ ភគវា |
| ឥតិបិ | ឧបេក្ខាឧបបារមីសម្បន្នោ | សោ ភគវា |
| ឥតិបិ | ឧបេក្ខាបរមត្ថបារមីសម្បន្នោ | សោ ភគវា |
| ឥតិបិ | ទសបារមីសម្បន្នោ | សោ ភគវា |
| ឥតិបិ | ទសឧបបារមីសម្បន្នោ | សោ ភគវា |
| ឥតិបិ | ទសបរមត្ថបារមីសម្បន្នោ | សោ ភគវា |
| ឥតិបិ | សមតឹសបារមីសម្បន្នោ | សោ ភគវាតិ៕ |
(ក្រាបថ្វាយបង្គំម្តង)
☸️🔸🙏🔸☸️
សុខាភិយាចនគាថា
| បសន្នា ហោន្តុ សព្វេបិ | បាណិនោ ពុទ្ធសាសនេ |
| សម្មា ធារំ បវេច្ឆន្តោច | កាលេ ទេវោ បវស្សតុ |
| វុឌ្ឍិភាវាយ សត្តានំ | សមិទ្ធំ នេតុ មេទនឹ ។ |
| សត្តមំ សិរិទេវិញ្ច | និច្ចំ រក្ខន្តិ បុត្តកំ |
| ឯវំ ធម្មេន រាជានោ | បជំ រក្ខន្តុ សព្វទា ៕ |
(ក្រាបថ្វាយបង្គំម្តង)
☸️🔸🙏🔸☸️
សុមង្គលកថា
ពាក្យពោលប្រកាសសូមសេចក្តីល្អ និង សេចក្តីចម្រើនគ្រប់យ៉ាង
| ហោតុ សព្វំ សុមង្គលំ | រក្ខន្តុ សព្វទេវតា |
| សព្វពុទ្ធានុភាវេន | សោត្ថិ ហោតុ និរន្តរំ ។ |
| ហោតុ សព្វំ សុមង្គលំ | រក្ខន្តុ សព្វទេវតា |
| សព្វធម្មានុភាវេន | សោត្ថិ ហោតុ និរន្តរំ ។ |
| ហោតុ សព្វំ សុមង្គលំ | រក្ខន្តុ សព្វទេវតា |
| សព្វសង្ឃានុភាវេន | សោត្ថិ ហោតុ និរន្តរំ ៕ |
(ក្រាបថ្វាយបង្គំម្តង)
☸️🔸🙏🔸☸️
ទេវធម៌
| ហិរិឱត្តប្បសម្បន្នា | សុកធម្មសមាហិតា |
| សន្តោ សប្បុរិសា លោកេ | ទេវ ធម្មាតិ វុច្ចរេ ៕ |
(ក្រាបថ្វាយបង្គំម្តង)
☸️🔸🙏🔸☸️
អនុមោទនារក្ខាយាចនគាថា
| អាកាសដ្ឋា ច ភុម្មដ្ឋា | ទេវា នាគា មហិទ្ធិកា |
| បុញ្ញំ នោ អនុមោទន្តុ | ចិរំ រក្ខន្តុ សាសនំ ។ |
| អាកាសដ្ឋា ច ភុម្មដ្ឋា | ទេវា នាគា មហិទ្ធិកា |
| បុញ្ញំ នោ អនុមោទន្តុ | ចិរំ រក្ខន្តុ រាជានោ ។ |
| អាកាសដ្ឋា ច ភុម្មដ្ឋា | ទេវា នាគា មហិទ្ធិកា |
| បុញ្ញំ នោ អនុមោទន្តុ | ចិរំ រក្ខន្តុ ញាតយោ ។ |
| អាកាសដ្ឋា ច ភុម្មដ្ឋា | ទេវា នាគា មហិទ្ធិកា |
| បុញ្ញំ នោ អនុមោទន្តុ | ចិរំ រក្ខន្តុ បាណិនោ ។ |
| អាកាសដ្ឋា ច ភុម្មដ្ឋា | ទេវា នាគា មហិទ្ធិកា |
| បុញ្ញំ នោ អនុមោទន្តុ | ចិរំ រក្ខន្តុ នោ សទា ៕ |
(ក្រាបថ្វាយបង្គំម្តង)
☸️🔸🙏🔸☸️
បត្តិទានគាថា
យា ទេវតា សន្តិ វិហារវាសិនី
ថូបេ ឃរេ ពោធិឃរេ តហឹ តហឹ
តា ធម្មទានេន ភវន្តុ បូជិតា
សោត្ថឹ ករោន្តេធ វិហារមណ្ឌលេ
ថេរា ច មជ្ឈា នវកា ច ភិក្ខវោ
សារាមិកា ទានបតី ឧបាសកា
គាមា ច ទេសា និគមា ច ឥស្សរា
សប្បាណភូតា សុខិតា ភវន្តុ តេ
ជលាពុជា យេបិ ច អណ្ឌសម្ភវា
សំសេទជាតា អថវោបបាតិកា
និយ្យានិកំ ធម្មវរំ បដិច្ច តេ
សព្វេបិ ទុក្ខស្ស ករោន្តុ សំខយំ ។
| ឋាតុ ចិរំ សតំ ធម្មោឋា | ធម្មធរា ច បុគ្គលា |
| សង្ឃោ ហោតុ សមគ្គោ វ | អត្ថាយ ច ហិតាយ ច |
| អាកាសដ្ឋា ច ភុម្មដ្ឋា | សព្វេបិ ធម្មចារិនោ |
| វុឌ្ឍឹ សម្បាបុណេយ្យាម | ធម្មារិយប្បវេទិតេ ៕ |
ផ្សាយមេត្តាចំពោះទិសទាំង១០
សព្វេ បុរត្ថិមាយ ទិសាយ សត្តា អវេរា សុខី ហោន្តុ
សព្វេ បុរត្ថិមាយ អនុទិសាយ សត្តា អវេរា សុខី ហោន្តុ
សព្វេ ទក្ខិណាយ ទិសាយ សត្តា អវេរា សុខី ហោន្តុ
សព្វេ ទក្ខិណាយ អនុទិសាយ សត្តា អវេរា សុខី ហោន្តុ
សព្វេ បច្ឆិមាយ ទិសាយ សត្តា អវេរា សុខី ហោន្តុ
សព្វេ បច្ឆិមាយ អនុទិសាយ សត្តា អវេរា សុខី ហោន្តុ
សព្វេ ឧត្តរាយ ទិសាយ សត្តា អវេរា សុខី ហោន្តុ
សព្វេ ឧត្តរាយ អនុទិសាយ សត្តា អវេរា សុខី ហោន្តុ
សព្វេ ហេដ្ឋិមាយ ទិសាយ សត្តា អវេរា សុខី ហោន្តុ
សព្វេ ឧបរិមាយ ទិសាយ សត្តា អវេរា សុខី ហោន្តុ
សព្វេ សត្តា អវេរា ហោន្តុ, សុខិតា ហោន្តុ, និទ្ទុក្ខា ហោន្តុ, អព្យាបជ្ឈា ហោន្តុ, អនីឃា ហោន្តុ, ទីឃាយុកា ហោន្តុ, អរោគា ហោន្តុ, សម្បត្តីហិ សមិជ្ឈន្តុ, សុខី អត្តានំ បរិហរន្តុ, ទុក្ខប្បត្តា ច និទ្ទុក្ខា ភយប្បត្តា ច និព្ភយា សោកប្បត្តា ច និស្សោកា ហោន្តុ សព្វេបិ បាណិនោ ។
(ក្រាបថ្វាយបង្គំម្តង)
☸️🔸🙏🔸☸️
បត្តិទានគាថា
| ឥមិនា បុញ្ញកម្មេន | ឧបជ្ឈាយា គុណុត្តរា |
| អាចរិយូបការា ច | មាតាបិតា បិយា មមំ |
| សុរិយោ ចន្ទិមា រាជា | គុណវន្តា នរាបិ ច |
| ព្រហ្មា មារា ច ឥន្ទ្រា ច | លោកបាលា ច ទេវតា |
| យមោ មិត្តា មនុស្សា ច | មជ្ឈត្តា វេរិកាបិ ច |
| សព្វេ សត្តា សុខី ហោន្តុ | បុញ្ញានិ បកតានិ មេ |
| សុខញ្ច តិវិធំ ទេន្តុ | ខិប្បំ បាបេថ វោមតំ ។ |
| ឥមិនា បុញ្ញកម្មេន | ឥមិនា ឧទ្ទិសេន ច |
| ខិប្បាហំ សុល្លភេ ចេវ | តណ្ហុប្បាទាន ឆេទនំ |
| យេ សន្តានេ ហីនា ធម្មា | យាវ និព្វានតោ មមំ |
| នស្សន្តុ សព្វទាយេវ | យត្ថ ជាតោ ភវាភវេ |
| ឧជុចិត្តោ សតិប្បញ្ញោ | សល្លេខោ វីរិយោម្ហិ វា |
| មារា លភន្តុ នោកាសំ | កាតុញ្ច វីរិយេសុ មេ |
| ពុទ្ធោ ទីបវរោ នាថោ | ធម្មោ នាថោ វរុត្តមោ |
| នាថោ បច្ចេកពុទ្ធោ ច | សង្ឃោ នាថោត្តរោ មមំ |
| តេសោត្តមានុភាវេន | មារោកាសំ លភន្តុ មា ។ |
(ក្រាបថ្វាយបង្គំម្តង)
☸️🔸🙏🔸☸️
ខមាបនគាថា
| យេកេចិ ខុទ្ទកា បាណាឋា | មហន្តាបិ មយា ហតា |
| យេ បាណេកេ បមាទេន | កាយវាចាមនេហិ វា |
| បុញ្ញំ មេ អនុមោទន្តុ | គណ្ហន្តុ ផលមុត្តមំ |
| វេរិនោ ចេ បមុញ្ចន្តុ | សព្វទោសំ ខមន្តុ មេ ៕ |
(ក្រាបថ្វាយបង្គំម្តង)
☸️🔸🙏🔸☸️
បត្តិទានគាថា
| យំ កិញ្ចិ កុសលកម្មំ | កត្តព្វំ កិរិយំ មម |
| កាយេន វាចាមនសា | តិទសេ សុគតំ កតំ |
| យេ សត្តា សញ្ញិនោ អត្ថិ | យេ ច សត្តា អសញ្ញិនោ |
| កតំ បុញ្ញផលំ មយ្ហំ | សព្វេ ភាគី ភវន្តុ តេ |
| យេ តំ កតំ សុវិទិតំ | ទិន្នំ បុញ្ញផលំ មយា |
| យេ ច តត្ថ ន ជានន្តិ | ទេវា គន្ត្វា និវេទយុំ |
| សព្វេ លោកម្ហិ យេ សត្តា | ជីវន្តាហារហេតុកា |
| មនុញ្ញំ ភោជនំ សព្វេ | លភន្តុ មម ចេតសាតិ ។ |
(ក្រាបថ្វាយបង្គំម្តង)
☸️🔸🙏🔸☸️
ធម៌តេជៈខ្ញុំសាង
| – តេជៈខ្ញុំសាង | សំអិតសំអាង | ឱនកាយវាចា |
| សូមសុខសោភា | រួចពីទុក្ខា | ឆ្លងដល់ត្រើយមហា |
| ពោលគឺនិព្វាន ។ | ||
| – គ្រប់ជាន់គ្រប់ជាតិ | កុំឱ្យខ្ញុំឃ្លាត | ពីសីលនិងទាន |
| គំនិតខ្ញុំកើត | កំណើតខ្ញុំមាន | មគ្គផលជាស្ពាន |
| ដល់ស្ថានថ្លៃថ្លា ។ | ||
| – សូមជូនមគ្គផល | ចំពោះទៅដល់ | មាតាបិតា |
| គុណគ្រូឧប- | ជ្ឈាយាចារ្យ | គុណញាតិកា |
| ប្រាំពីរសន្តាន ។ | ||
| – ជីដូនជីតា | រស់នៅក្តីណា | លោកម្ចាស់ចែកស្ថាន |
| សូមជូនមគ្គផល | កុសលថ្កើងថ្កាន | សូមសុខក្សេមក្សាន្ត |
| ដល់ស្ថានផុតទុក្ខ ។ | ||
| – ខ្ញុំសូមប្រាថ្នា | សច្ចៈវាចា | តទៅខាងមុខ |
| សូមមានបញ្ញា | ភ្លឺថ្លាមោះមុត | ឆ្លងរួចផុតទុក្ខ |
| ដល់និព្វានហោង ៕៚ |
(ក្រាបថ្វាយបង្គំម្តង)
☸️🔸🙏🔸☸️
តំណភ្ជាប់ទៅទំព័រផ្សេងៗ Links to other pages
