បរមងារមាតាបិតា
បទពាក្យប្រាំពីរ
| ព្រះនៅក្នុងលោករាប់មិនអស់ | រាប់ទាំងព្រះរស់នៅក្នុងផ្ទះ |
| គួរកូនប្រុសស្រីស្គាល់ឱ្យច្បាស់ | វន្ទាសំពះព្រះមានគុណ ។ |
| ព្រះពុទ្ធជាម្ចាស់ត្រាស់ទេសនា | ជូនបរមងារចែកជាបួន |
| ដល់បុព្វការីអ្នកមានគុណ | វិសេសលើសលន់ពន់ពេកក្រៃ ។ |
| មួយលោកថាជាព្រះព្រហ្ម | ព្រោះមានគុណធំប្រសើរថ្លៃ |
| មេត្តា-ករុណា-ថ្លាប្រពៃ | មុទិតាបី-បួនឧបេក្ខា ។ |
| ទីពីរលោកថាទេវតាដើម | អ្នកផ្តល់ដង្ហើមគ្រប់វេលា |
| តាមថែរក្សាឥតរួញរា | ទោះជាយ៉ាងណាមិនបង់បោះ ។ |
| ទីបីលោកថាជាគ្រូដើម | គឺគ្រូដ៏ឆ្នើមដើមបង្អស់ |
| បង្ហាត់បង្រៀនគ្មានចន្លោះ | បង្ហាញសព្វអស់ឥតលៀមលាក់ ។ |
| ទីបួនលោកថាអាហុនេយ្យ៍ | គុណគាប់ច្រើនក្រៃថ្លៃអនគ្ឃ |
| កូនគួរបូជាកុំស្ទើរស្ទាក់ | ចូលចិត្តស្មោះស្ម័គ្រជាក់សុខសាន្ត ៕ |
និពន្ធដោយៈ ព្រះបវរសត្ថា កៅ ពុទ្ធា ជោតញ្ញាណោ
វត្តគិរីសោភា (កូនសត្វ), ថៃទី១៧ ខែឧសភា ឆ្នាំ២០០៨
🔸Last Updated កំណែចុងក្រោយ on August 9, 2024
Facebook Comments
